-Samstarf-

Það þarf ekki alltaf að henda öllu út þegar staðið er í framkvæmdum til að kaupa allt nýtt. Hér ákváðum við líkt og í gamla húsinu okkar að gefa innihurðunum nýtt líf og lakka þær.

Þar sem ég bjó áður höfðum við gert nákvæmlega það sama. En þar voru einnig til staðar dökkar og lúnar fulningahurðir sem voru í grunninn mjög fallegar.

Hér getið þið séð eldri færslu þar sem sýnt er nákvæmlega frá aðferðinni við að lakka hurðirnar. Einnig getið þið séð video af því hér á Instagram.

Efnin til verksins

Égnotaði stopp grunn frá Flugger sem heitir Stop Primer en hann er afar mikilvægt að nota því hann stoppar að allt dökkt blæði í gegn eins og sagt er á góðu málaramáli.

Lakkið sem ég notaði heitir Interior Strong Finish 20 og er einnig frá Flugger. Penslar og rúlla sem notað er með lakkinu heita High Finish lakkrúlla og pensill, og fæst einnig hjá Flugger.

Strong Finish lakkið er það allra besta sem ég hef unnið með en það er ekki hefðbundið akríl lakk heldur polyurethane styrkt lakk sem flýtur afar vel og hefur góða viðloðun.

Yfirborð lakksins verður mjög hart og rispuþolið og er því tilvalið að nota það á hluti þar sem gerð er krafa um slitþol samhliða fallegri áferð, en það mætti halda að hurðirnar mínar hafi verið sprautaðar.

Ég notaði litinn Paz hvítur sem er skjannahvítur með engum gulum tón í en mér finnst hann afar fallegur og tær.

Ég mæli svo mikið með að þið lakkið hurðir ef þið eruð með gamlar en samt fallegar hurðir sem hægt er að gefa nýtt líf.

Að lakka hurðir getur breytt ásýnd hússins alveg gríðarlega mikið og myndi ég ekki segja að þetta sé erfitt. Þetta er þolinmæðisvinna sem allir ættu að geta gert eftir þessum leiðbeiningum sem ég gef upp hér.

Ég get einnig mælt með lakkinu High Finish (Flugger) en það er lakkið sem ég notaðist við í eldra húsinu. Þar er um hefðbundið akríl lakk að ræða sem er ögn þykkara en Strong finish lakkið.

Ég get allan daginn mælt með því að gefa sér tíma og spara hundruðir þúsunda og fyrirhöfn með því að einfaldelga lakka hurðirnar heima hjá ykkur, það margborgar sig.

María