-Samstarf-
Þessar hittu alveg í mark þá sérstaklega hjá Ölbu minni sem beið allan daginn eftir að komast heim úr skóla til að fá sér ekki eina heldur nokkrar hafrakökur.
![](https://paz.is/wp-content/uploads/2022/02/IMG_3343-683x1024.jpg)
Það er til margt óhollara en þessar kökur en ég reyndi að hafa hráefnið sem hollast með dásamlegu vörunum frá Rapunzel.
![](https://paz.is/wp-content/uploads/2022/02/IMG_3331-683x1024.jpg)
Rapunzel er leiðandi framleiðandi á lífrænt ræktuðum vörum. Hráefnið er keypt frá lífrænum bændum í 36 löndum og flutt út til jafn margra landa.
![](https://paz.is/wp-content/uploads/2022/02/IMG_3350-683x1024.jpg)
Auk framleiðslu á hágæðavörum stendur Rapunzel fyrir uppbyggingu á þeim landsvæðum sem hráefnið kemur frá og bætir lífskjör þeirra sem þar lifa og starfa.
![](https://paz.is/wp-content/uploads/2022/02/IMG_3358-683x1024.jpg)
Mitt allra uppáhald frá Rapuzel eru smyrjurnar þeirra og súkkulaðin en ég nota smyrjurnar mikið eins og út á skyrskál og í bakstur.
![](https://paz.is/wp-content/uploads/2022/02/IMG_3333-683x1024.jpg)
Þessir hafraklattar eru afar góðir og í hollari kantinum svo þið getið alveg borðað þá og gefið börnunum ykkar þá án nokkurs samviskubits.
![](https://paz.is/wp-content/uploads/2022/02/IMG_3345-683x1024.jpg)
Auk þess þá er afar létt að gera þá og ekkert mál að henda í þegar manni langar í eitthvað gotterí eða til að baka með krökkunum.
![](https://paz.is/wp-content/uploads/2022/02/IMG_3348-683x1024.jpg)
Kökurnar eru dásamlega mjúkar en seigar í senn en það er akkutar þannig sem ég vil hafa hafrakökur.
![](https://paz.is/wp-content/uploads/2022/02/IMG_3347-683x1024.jpg)
![IMG_3331 – afrit](https://paz.is/wp-content/uploads/2022/02/IMG_3331-afrit-585x585.jpg)
Hráefni
- 125 gr brætt smjör
- 1 krukka möndlu tonka smjör frá Rapunzel
- 140 gr hrásykur (ég notaði rapunzel)
- 100 gr púðursykur
- 1 egg
- 2 eggjarauður
- 1 tsk vanilludropar
- 120 gr fínt spelt
- 1/2 tsk salt
- 150 gr hafrar (ekki grófa)
- 100 gr karamellusúkkulaði frá Rapunzel
Aðferð
- setjið brætt smjörið, tonkasmjörið, sykur, egg, eggjarauður og vanilludropa saman í skál og hrærið vel með sleif
- Bætið næst spelti, höfrum og salti út í og hrærið vel saman
- Skerið karamellusúkkulaðið smátt niður og bætið út í skálina og hrærið létt saman
- Setjið bökunarpappír á plötu og mótið kúlur með ísskeið c.a 2-3 msk ef þið eigið ekki ísskeið og mótið kúlu á stærð við borðtennisbolta, hafið gott bil á milli til að þær leki ekki saman í ofninum
- Bakið við 185 °C blástur í 10-13 mínútur, styttri tímann ef þið viljið hafa þær svona seigar inn að miðju
- Athugið að þegar þær koma úr ofninum gætu þær virst hráar en eru það ekki, þær halda áfram að bakast ofan á plötunni en mikilvægt er að láta þær standa á heitri plötunni í eins og um 10 mín áður en þær eru teknar af
Verði ykkur að góðu
María