Hjónabandssæla er eitt af því sem minnir mig svo mikið á haustin.
![This image has an empty alt attribute; its file name is IMG_1295-683x1024.jpg](https://paz.is/wp-content/uploads/2021/09/IMG_1295-683x1024.jpg)
Eflaust vegna þess að þá er oft margir búnir að gera rabbabarasultu úr uppskeru sumarsins.
![](https://paz.is/wp-content/uploads/2021/09/IMG_1293-683x1024.jpg)
Vinur sonar míns kom hérna um daginn færandi hendi með dýrðlega rabbabarasultu sem þau höfðu verið að gera.
![](https://paz.is/wp-content/uploads/2021/09/IMG_1298-683x1024.jpg)
Strax fékk ég þá hugmynd að gera úr henni hjónabandssælu.
![](https://paz.is/wp-content/uploads/2021/09/IMG_1314-683x1024.jpg)
Mig langaði að gera mína eigin útgáfu sem væri bæði ofurauðveld og ofsa góð.
![](https://paz.is/wp-content/uploads/2021/09/IMG_1332-683x1024.jpg)
Hjónabandssælan er með rökum þéttum botni, nóg af sultu á milli og stökkri mylsnu ofan á.
![](https://paz.is/wp-content/uploads/2021/09/IMG_1333-684x1024.jpg)
Og svo auðveld að gera, alveg eins og ég vil hafa það.
![](https://paz.is/wp-content/uploads/2021/09/IMG_1292-683x1024.jpg)
Held að markmiðið hafi náðst.
![](https://paz.is/wp-content/uploads/2021/09/IMG_1305-683x1024.jpg)
Þið getið notað hvaða rabbarbarasultu sem er, bara þá sem ykkur finnst best, ef þið gerið ekki ykkar eigin.
![](https://paz.is/wp-content/uploads/2021/09/IMG_1310-683x1024.jpg)
![IMG_1289](https://paz.is/wp-content/uploads/2021/09/IMG_1289-585x585.jpg)
Hráefni
- 4 dl tröllahafrar
- 3 dl fínt spelt eða hveiti
- 1 dl hrásykur
- 2 dl púðursykur
- 1 tsk matarsódi
- 1 tsk fínt borðsalt
- 190 gr Smjör
- 1 egg
- 400 gr rabbabarasulta
- 2-3 tsk Hrásykur til að dreifa yfir fyrir bakstur
Aðferð
- Skerið kalt smjör í teninga og setjið með öllum hráefnunum nema egginu saman í matvinnsluvél eða blandara og hrærið þar til er orðið að grófri mylsnu
- Bætið þá egginu útí og ýtið nokkrum sinnum á pulse takkann þar til allt er svona frekar gróf mylsna
- Smyrjið eldfast mót að innan með smjöri og þjappið helmingnum af deiginu á botninn með því að nota puttana til þess
- Smyrjið svo sultuni jafnt yfir allan botninn
- Takið svo restina af deiginu og myljið það jafnt yfir sultuna og dreifið eins og 2-3 tsk af hrásykri jafnt í þunnu lagi yfir allt (gefur toppnum stökkleika)
- Bakið á 190 C°blæstri 30-40 mínútur, fylgist vel með kökunni eftir svona 30 mín og ef hún er fallega gyllinbrún er hún til. Ef ekki hafið hana þá í 5-10 mín lengur
![](https://paz.is/wp-content/uploads/2021/09/IMG_1319-683x1024.jpg)
Verði ykkur að góðu
María