-Samstarf-
Hér er afar góð og fersk mexíkóskál sem er stútfull af vítamínum, hollri fitu og próteini og svo svo bragðgóð líka.
![](https://paz.is/wp-content/uploads/2021/02/IMG_0072-683x1024.jpg)
Hér er svo sannarlega um hollan skyndibita að ræða en þessa skál tekur enga stund að gera. Þrátt fyrir quinoa og kjúkling sem þarf að elda með dásamlegum kryddlegi.
![](https://paz.is/wp-content/uploads/2021/02/IMG_0101-683x1024.jpg)
Kryddlögurinn tekur jafnlanga stund og að hræra saman kokteilsósu og svo er honum penslað beint á niðursneiddar kjúklingabringur og í ofn í 20 mínútur.
![](https://paz.is/wp-content/uploads/2021/02/IMG_0074-682x1024.jpg)
Á meðan er tilvalið að skera niður allt sem á að fara í skálina og útbúa olíudressinguna sem er í senn fersk, spæsí og sæt og dýrðlega góð.
![](https://paz.is/wp-content/uploads/2021/02/IMG_0078-683x1024.jpg)
Quinoa krefst langrar eldunar og því finnst mér geggjað að geta notað forsoðið Quinoa frá merkinu Quinola sem þarf bara að hita upp í 2 mínútur og málið dautt.
![](https://paz.is/wp-content/uploads/2021/02/IMG_0093-683x1024.jpg)
Hér notaði ég quinola með Spicy Mexican en það rífur smá í án þess að vera of sterkt.
![](https://paz.is/wp-content/uploads/2021/02/IMG_0096-695x1024.jpg)
Dressingin setur svo alveg punktinn yfir i-ið en ég set alltaf vel af henni og set svo sýrðan rjóma með habanero ofan á þegar öllu hefur verið hrært saman.
![](https://paz.is/wp-content/uploads/2021/02/IMG_0103-736x1024.jpg)
Quinola er til í fjórum bragðtegundum og fæst í Krónunni, Bónus, Nettó, Hagkaup, Fjarðarkaupum og Samkaupum
![](https://paz.is/wp-content/uploads/2021/02/IMG_0069-683x1024.jpg)
En umbúðirnar eru búnar að fá smá uppliftingu og eru orðnar enn smartari og betri en áður.
![](https://paz.is/wp-content/uploads/2021/02/IMG_0111-683x1024.jpg)
![IMG_0082](https://paz.is/wp-content/uploads/2021/02/IMG_0082-585x585.jpg)
Hráefni
Í skálina fer
- 1/2 lítill rauðlaukur smátt skorinn
- 1/2 dós maísbaunir
- 1/2 box piccolo tómatar eða aðrir smátómatar skornir í tvennt
- 1-2 avókadó skorin í þunnar sneiðar
- 2 vorlaukar smátt skornir og líka þetta græna efst með
- 1 rauður chilialdin fræhreinsaður (má sleppa)
- 1/2-1 lítil dós ananas og ekki henda safanum
- 1/2 poki quinola Spicy Mexican
- 1/2 dós svartar baunir
- 1/2 ramiro paprika smátt skorin
- kál að eigin vali
- Sýrður rjómi með habanero
- 2 kjúklingabringur
Mexíkó Kryddlögur á bringurnar
- 1/2 msk laukduft (onion powder)
- 1/2 msk hvítlauksduft (garlic powder alls ekki garlic salt)
- 2 msk sojasósa
- 2 msk tómatssósa (ketchup)
- Raspaður börkur af 1 stk lime
- 1 tsk lime safi
- 1 tsk hunang
- salt og pipar
Salatdressing út á skálina
- Safi úr lítillri ananasdós
- safi úr 1/2 lime
- 2 msk olífuolía
- 5-10 dropar tabasco sósa
- 1 msk hlynsíróp eða annað síróp
- salt og pipar
Aðferð
- Byrjið á að hita ofn á 200°C og gerið kryddlögin á bringurnarmeð því að hræra vel saman innihaldsefnum
- Skerið bringur í þunnar sneiðar
- Leggjið svo bringubitana á eldfast móti og penslið með kryddleginum báðum megin og saltið ögn og piprið
- Stingið í heitan ofninn í 20 mínútur og skerið allt grænmeti niður í skálina á meðan og gerið salatdressinguna
- Gott er að setja öll innihaldsefni úr dressingunni í hristiglas og hrista hana vel saman smakkið til og saltið eftir smekk ég vil hana hana frekar salta
- Þegar 5 mínútur eru eftir af eldunartíma kjúklingsins er gott að stinga maisbaunum, quinola og svörtum baunum í örbylgjuofn eða í pott og hita upp en ég vil hafa þessi hráefni heit á móti hinu köldu
- Raðið svo öllu í skálina og kjúklingabitunum yfir og berið fram með dressingu og sýrðum rjóma
- Það er líka gott að nota nachos með þessu eða setja inn í vefju þess vegna
![](https://paz.is/wp-content/uploads/2021/02/IMG_0086-683x1024.jpg)
Andele andele verði ykkur að góðu
María