-Samstarf-
Ég elska að eiga eitthvað orkuríkt, hollt og sætt í kælir eða frystir til að taka út þegar sætindaþörfin herjar á.
![](https://paz.is/wp-content/uploads/2022/11/IMG_5792-805x1024.jpg)
Hér er um að ræða geggjuð orkustykki sem eru í senn prótein og trefjarík, með hollri fitu sem mettar í langan tíma.
![](https://paz.is/wp-content/uploads/2022/11/IMG_5796-728x1024.jpg)
Hver kannast ekki við Weetabix ? Ég man ég sá það fyrst um 10 ára aldurinn en það var alltaf haft í morgunmat heima hjá hálfspænskri vinkonu minni.
![](https://paz.is/wp-content/uploads/2022/11/IMG_5820-746x1024.jpg)
Ég man mér fannst þetta morgunkorn afar athyglisvert, og bað mömmu um að kaupa það handa mér.
![](https://paz.is/wp-content/uploads/2022/11/IMG_5827-683x1024.jpg)
Alla tíð síðan þá hefur Weetabix verið til á mínu heimili. Úrvalið hefur aukist til muna en nú er m.a hægt að fá prótenbætt Weetabix.
![](https://paz.is/wp-content/uploads/2022/11/IMG_5807-683x1024.jpg)
Ég ákvað einmitt að nota það í þessi góðu og hollu orkustykki og því má segja að enginn þurfi að hafa samviskubit á að fá sér eins og eitt stykki í morgunmat.
![](https://paz.is/wp-content/uploads/2022/11/IMG_5830-683x1024.jpg)
Það er mikilvægt að morgunverðurinn sé trefjaríkur, því þá gefur hann þér endingargóða orku og þú freistast síður af aukabitum á milli mála.
![](https://paz.is/wp-content/uploads/2022/11/IMG_5813-683x1024.jpg)
Weetabix Protein er heilkorna, próteinríkt, trefjaríkt, fitusnautt og inniheldur lítinn sykur og lítið salt. Í 100 g.af Weetabix Protein eru 19 g. af próteini, 9,6 g. af trefjum og aðeins 4,8 g.af sykri.
![](https://paz.is/wp-content/uploads/2022/11/IMG_5817-683x1024.jpg)
Ég notaði bara döðlur og hunang til að gera þau sæt, svo það er enginn viðbættur sykur í þeim. Því eru þau tilvalin millibiti líka eða nesti.
![](https://paz.is/wp-content/uploads/2022/11/IMG_5832-683x1024.jpg)
Það tekur ekki nema 10 mínútur að útbúa þessi stykki og ég lofa þau eru svo góð og koma alveg í veg fyrir frekari sætindaþörf.
![](https://paz.is/wp-content/uploads/2022/11/IMG_5795-scaled-e1668436674556-764x1024.jpg)
Eins og áður sagði er Weetabix fjölskyldan búin að stækka en fyrir utan hefðbundið og próteinbætt weetabix má einnig finna Weetabix mini kökur með súkkulaði og Weetaflakes flögur.
![](https://paz.is/wp-content/uploads/2022/11/IMG_5802-683x1024.jpg)
![IMG_5823](https://paz.is/wp-content/uploads/2022/11/IMG_5823-585x585.jpg)
Hráefni
- 170 gr döðlur (Ég notaði lífrænt ræktaðar en þær eru oft ögn mýkri)
- 75 gr sólblómafræ
- 45 gr kókósmjöl
- 30 gr chiafræ
- 25 gr dökkt kakó
- 2 msk hunang
- 4 msk vatn
- 90 gr eða c.a 4 kökur af Weetabix Protein
- 1/2 tsk gróft salt + smá auka til að sáldra yfir súkkulaðið
- 80-100 gr 70-85 % dökkt súkkulaði
Aðferð
- Byrjið á að klippa döðlurnar smátt niður í skál og hella sjóðandi vatni yfir þær og setjið álpappír yfir meðan hitt er útbúið
- Setjið svo rest af innihaldsefnum í matvinnsluvél nema dökka súkkulaðið
- Setjið döðlurnar síðast en hellið vatninu af þeim nema haldið eftir 4 msk og setjið með út í matvinnsluvélina
- Maukið allt saman þar til verður að klístruðum massa, mér finnst gott að setja pulse á í restina en ekki mauka samt allt of mikið, bara þannig að það klístrist saman milli fingrana
- Þjappið svo í botninn á eldföstu móti með smjörpappa í og bræðið súkulaðið yfir vatnsbaði helst, en það má líka setja það í örbylgjuofn á meðalkraft í 30 sekúndur í senn þar til er alveg bráðið
- Hellið súkkulaðinu svo yfir botninn í eldfasta mótinu og sáldrið ögn af grófu salti yfir, setjið í kælir þar til súkkulaðið hefur stífnað alveg
- Skerið svo niður í 14 bita og geymið í kælir eða frystir en gott er þá að láta þau standa í 10 mínútur áður en þau eru borin fram
Mjög einfalt, verði ykkur að góðu
María