Súpan sem ég gerði fyrir Hátíðarblað Morgunblaðsins er mætt hér á bloggið í öllu sínu veldi.
![](https://paz.is/wp-content/uploads/2020/12/IMG_9559-610x1024.jpg)
Ég held það sé óhætt að segja að heimilismenn hafi alveg kolfallið fyrir henni en ég veit ekki hversu mikið henni var hrósað.
![](https://paz.is/wp-content/uploads/2020/12/IMG_9566-683x1024.jpg)
Meira að segja matvandasta barnið elskaði hana og gat ekki hætt að hugsa um súpuna nokkrum dögum seinna.
![](https://paz.is/wp-content/uploads/2020/12/IMG_9560-658x1024.jpg)
Það sem toppaði súpuna var að setja nokkra dropa af truffluolíu út á og hafa hana með nýbökuðu brauði og þeyttu öskusmjöri.
![](https://paz.is/wp-content/uploads/2020/12/IMG_9574-683x1024.jpg)
Uppskrift af því finnið þið hér.
![](https://paz.is/wp-content/uploads/2020/12/IMG_9568-683x1024.jpg)
![](https://paz.is/wp-content/uploads/2020/12/IMG_9572-683x1024.jpg)
![IMG_9570](https://paz.is/wp-content/uploads/2020/12/IMG_9570-585x585.jpg)
Hráefni
- 50 gr smjör
- 1 dl hveiti
- 1 tsk borðsalt
- Svartur pipar
- 3x sveppasoðsteningar
- 7 dl nýmjólk
- 6 dl volgt vatn
- 2,5 dl rjómi
- 2 msk púðursykur
- 1 tsk villijurtir frá Pottagöldrum
- 2 msk koníaksgel frá Chef Louis (fæst í Hagkaup)
- 1 askja af ferskum blönduðum villisveppum
- 1 box af blönduðum þurrkuðum villisveppum frá Borde
- 1 geiralaus marinn hvítlaukur
- 35 gr smjör til steikingar á sveppum
- ½ tsk borðsalt til að salta sveppina
- Sósulitur nokkrir dropar
- Tartuffo Bianco truffluolía frá Elle Esse (myndi ekki sleppa setti punktinn yfir i-ið og fæst í Hagkaup)
Aðferð
- Vinnið þurrkuðu sveppina eftir leiðbeiningum á boxi og skerið smátt niður ásamt fersku sveppunum
- Bræðið 35 gr smjör á pönnu og merjið 1 geiralausan hvítlauk
- Steikjið bæði þurrkaða og ferska sveppina upp úr smjörinu og saltið með ½ tsk af borðsalti. Steikið þar til þeir eru orðnir vel brúnir og setjið þá marða hvítaukinn út á og slökkvið undir pönnuni. Hafið áfram á heitri hellunni og hrærið vel saman og leggið hliðar
- Bræðið 50 gr smjör í potti og setjið hveitið út á og hrærið vel í þar til verður að smjörbollu, hrærið í eins og 1 mínútu áður en volgu vatninu er hellt smátt og smátt út á
- Hrærið vel í á meðan er að þykkna í glansandi silkimjúkan jafning
- Bætið næst púðursykri, sveppateningum, 1 tsk borðsalti, pipar, villijurtum og koníakgelinu út á og hrærið öllu vel saman þar til teningar eru full leystir upp
- Setjið næst mjólk og rjóma út á og hrærið vel þar til suða er komin upp og farið að þykkna ögn
- Setjið smá sósulit út í þannig súpan verði fallega ljósbrún
- Setjið svo alla sveppi út í súpuna og hrærið vel þar til suða kemur upp og lækkið þá undir
- Leyfið súpunni að sjóða í lágmark 30 mínútur eða lengur
- Smakkið til og saltið og piprið ef þarf
- Berið fram með nýbakaða brauðinu og öskusaltinu
- Þegar súpan er komin í skál setjið þá nokkra dropa af Truffluolíu yfir og njótið
Verði ykkur að góðu
María