-Ekki samstarf-
Ég var svo heppinn að fá að gjöf frá Rúnu vinkonu hreindýrahakk. Ég hef oft eldað hreindýr en aldrei hreindýrahakk.
![](https://paz.is/wp-content/uploads/2021/12/IMG_2748-683x1024.jpg)
Mér fannst því kjörið að prófa að gera úr því hreindýrabollur og semja alveg nýja uppskrift sem ég geri frá grunni.
![](https://paz.is/wp-content/uploads/2021/12/IMG_2738-683x1024.jpg)
Eitthvað afar einfalt en ó svo gott. Ég verð að viðurkenna að mér tókst ansi vel til, enda bollurnar með eindæmum góðar og sósan líka.
![](https://paz.is/wp-content/uploads/2021/12/IMG_2761-711x1024.jpg)
Bollurnar og sósan er afar bragðmikið og borið fram með sætri kartöflumús og rifsberjahlaupi var alveg til að toppa máltíðina.
![](https://paz.is/wp-content/uploads/2021/12/IMG_2757-683x1024.jpg)
Þessi uppskrift er eins og ég sagði afar einföld og það tekur örlitla stund að gera bæði bollurnar og sósuna svo allir ættu að geta gert hana.
![](https://paz.is/wp-content/uploads/2021/12/IMG_2793-683x1024.jpg)
Ég ákvað að stinga bollunum beint inn í ofn og sleppa öllu veseni við að steikja þær fyrst og lukkaðist það afar vel.
![](https://paz.is/wp-content/uploads/2021/12/IMG_2784-683x1024.jpg)
Á meðan bollurnar eru í ofninum útbjó ég sósuna og hellti henni svo yfir heitar bollurnar nýkomnar úr ofninum, og mæli ég með að þið gerið þennan rétt á þann hátt.
![](https://paz.is/wp-content/uploads/2021/12/IMG_2755-683x1024.jpg)
Ég held mér sé alveg óhætt að lofa að þessar dýrðlegu hreindýrabollur og sósan mun ekki bregðast ykkur enda með eindæmum gott.
![This image has an empty alt attribute; its file name is IMG_2747-683x1024.jpg](https://paz.is/wp-content/uploads/2021/12/IMG_2747-683x1024.jpg)
![IMG_2763](https://paz.is/wp-content/uploads/2021/12/IMG_2763-585x585.jpg)
Hráefni
Hreindýrabollur
- 500-600 gr hreindýrahakk
- 100 gr kartöfluflögur með salti (ég notaði Lays en má nota frá hvaða merki sem er Pringles, Maarud eða annað)
- 2 msk villikraftur í duftformi (ég notaði Vildt Bouillon frá Oscar sem fæst í Bónus og víða en má nota hvaða merki sem er)
- 100 gr piparostur rifinn (þessi sem fæst rifinn í boxi)
- 1 tsk villjurtir (ég notaði frá Pottagöldrum)
Villisveppaostasósa
- 1 stk Kryddostur villisveppa
- 2 dl vatn
- 2,5 dl matreiðslurjómi
- 1 tsk þurrkað timian
- 1 stk sveppasoðteningur
- 1 msk rifsberjahlaup
- 3 msk maizena sósujafnari (ég notaði fyrir brúnar sósur)
Aðferð
Hreindýrabollur
- Byrjið á að setja snakkið/kartöfluflögurnar í poka og mylja það smátt með því að lemja á pokann með kökukefli eða potti eða setjið í blandara á pulse þar til það verður að fínni mylsnu (ég setti í blandarann)
- Setjið næst hakkið í stóra skál og stráið öllum innihaldsefnum jafnt yfir hakkið
- Hnoðið svo allt saman þar til það er orðið vel blandað saman en passið að hnoða ekki allt of mikið svo bollurnar verði ekki seigar
- Hitið ofninn á 185 C°blástur eða 195 °C undir og yfirhita
- Mótið nú bollur úr hakkinu á stærð við sænskar kjötbollur eins og fást í Ikea og raðið í eldfast mót sem er búið að spreyja með cooking spreyji eða smyrja að innan
- Stingið bollunum í ofnin í 25 mínútur og látið alveg vera á meðan, ekkert vera að snúa þeim né neitt
- Gerið sósuna á meðan bollurnar eru í ofninum
Villisveppaostasósa
- Byrjið á að setja vatn í pott og sveppasoðteninginn út í þar til teningurinn er alveg uppleystur í vatninu
- Þið getið rifið niður villisveppaostinn eða skorið hann smátt og sett út í vatnið þá bráðnar hann mun hraðar
- Þegar osturinn er alveg bráðnaður saman við bætið þá matreiðslurjóma, timian og rifsberjahlaupi út í og hrærið vel saman þar til byrjar að sjóða
- Þegar suðan er komin upp setjið þá maizena sósujafnarann út í og hrærið vel saman þar til sósan hefur þykknað vel
- Leyfið sósunni að malla við vægan hita, allan tímann sem bollurnar eru í ofninum og hrærið regluglega í henni
- Þegar bollurnar eru tilbúnar takið þær þá úr ofninum og hellið sósunni yfir
- Berið fram með góðri kartöflumús og rifsberjahlaupi
![This image has an empty alt attribute; its file name is IMG_2789-683x1024.jpg](https://paz.is/wp-content/uploads/2021/12/IMG_2789-683x1024.jpg)
![](https://paz.is/wp-content/uploads/2021/12/IMG_2742-683x1024.jpg)
Verði ykkur að góðu
María