-Samstarf-
Hér er um að ræða ljóskur en samt ekki alveg ljóskur. Ljóskur eða blondies á ensku eru oftast andstæðan við brúnkur eða Brownies.
![This image has an empty alt attribute; its file name is IMG_6589-683x1024.jpg](https://paz.is/wp-content/uploads/2023/04/IMG_6589-683x1024.jpg)
Nánast eins nema í stað þess að vera dökkar eru þær ljósar og úr hvítu súkkulaði. Þessar hér eru akkurat þannig en þó ekki.
![](https://paz.is/wp-content/uploads/2023/04/IMG_6570-822x1024.jpg)
Ég get best lýst þeim þannig að þær eru eins og blanda af ljóskum og kransaköku. Kranskökuáferðin kemur líklegast því ég nota möndlumjöl.
![](https://paz.is/wp-content/uploads/2023/04/IMG_6575-683x1024.jpg)
Mér finnst eitthvað svo gott að nota möndlumjöl í bakstur því það gefur vissan grófleika eins og marsípan áferð, án marsípanbragðsins samt.
![](https://paz.is/wp-content/uploads/2023/04/IMG_6593-683x1024.jpg)
Þeim sem finnst marsípan ekki gott ættu samt að geta borðað þessa köku því það er ekki möndlubragð af henni eins og af maríspani.
![](https://paz.is/wp-content/uploads/2023/04/IMG_6612-683x1024.jpg)
En ef þú vilt hafa hana á bragðið eins og marsípan er hægt að setja möndludropa út í deigið, fyrir krakkana mæli ég með kökuskrauti og fyrir súkkulaði elskendur súkkulaði, hvort sem er hvítt eða dökkt, jafvel bæði.
![](https://paz.is/wp-content/uploads/2023/04/IMG_6577-811x1024.jpg)
Kökuna er ótrúlega einfalt að gera enda örfá hráefni í henni. Ég notaði dásamlega möndlusmyrju frá Rapunzel í staðinn fyrir smjör og var útkoman skemmtilega öðruvísi.
![](https://paz.is/wp-content/uploads/2023/04/IMG_6566-683x1024.jpg)
![IMG_6584](https://paz.is/wp-content/uploads/2023/04/IMG_6584-585x585.jpg)
Hráefni
- 1 krukka 250 gr Kókos Mandel creme frá Rapunzel
- 200 gr hvítt súkkulaði (ég notaði hvítt súkkulaði með kókós frá Rapunzel)
- 3 egg meðastór
- 120 gr möndlumjöl (getið líka notað hveiti ef þið viljið ekki marsípanáferðina)
- 1 tsk fínt borðsalt
- 1 tsk vanilludropar
Valfrjálst: Ef þið viljið marsípan bragð setjið þá 1 tsk möndludropa, fyrir krakkana smá kökuskraut í deigið, svo má líka setja dökka og hvíta súkkulaðibita eða hnetur og bara hvað sem hugurinn girnist.
Aðferð
- Bræðið hvíta sýkkulaðið í örbylgju í 20-30 sekúndur í senn og hrærið á milli þar til nánast alveg bráðið en örlitlir bitar sjáanlegir
- Bætið þá möndlusmyrjunni frá Rapunzel saman við og setjið í síðustu 30 sekúndurnar í örbylgju svo allt verði bráðið, mjúkt og lint eins og þykk súrmjólk
- Bætið þá eggjunum saman við og hrærið með handþeytara eða í hrærivél en deigið verður smá klístrótt og seigt á þessu stigi
- Hærið að lokum möndlumjölinu, saltinu og vanilludropunum saman við
- Ef þið viljið hafa eitthvað aukalega af því sem ég tel upp að ofan setjið það þá síðast í og hrærið með sleif eða sleikju
- Setjið svo smjörpappír í ferkentað mót sem er c.a 20x20 cm og hellið deiginu í og sléttið úr því, gott er líka að lemja mótinu fast niður í borðið svo að deigið þjappist vel saman í mótinu
- Bakið í 170 °C heitum ofni í 30-35 mínútur og látið svo kólna í allavega 15-20 mín áður en tekið er úr mótinu
![](https://paz.is/wp-content/uploads/2023/04/IMG_6607-683x1024.jpg)
![](https://paz.is/wp-content/uploads/2023/04/IMG_6617-edited-scaled.jpg)
Verði ykkur að góðu
María