-Ekki samstarf-
Ég viðurkenni það ég er mjög sein upp á ostasalat vagninn, en ég smakkaði ostasalat í fyrsta skiptið núna um daginn.
![](https://paz.is/wp-content/uploads/2022/04/IMG_4110-683x1024.jpg)
Ég hef oft heyrt af ostasalati, séð ostasalat í veislum og séð til fólks fá sér aftur og aftur og aftur, og allan tímann dásama slíkt salat.
![](https://paz.is/wp-content/uploads/2022/04/IMG_4105-686x1024.jpg)
Hvort það sé sama salat og þetta veit ég ekki. En ég veit það að þegar ég smakkaði þetta dásemdarsalat hjá elsku Línu vinkonu minni, þá var ekki aftur snúið.
![](https://paz.is/wp-content/uploads/2022/04/IMG_4111-753x1024.jpg)
Ég hreinlega gat ekki stoppað, og ég fékk mér aftur og aftur og aftur. Ég skil ekki hvernig í ósköpunum ég gat látið þetta salat fram hjá mér fara í allann þennan tíma.
![](https://paz.is/wp-content/uploads/2022/04/IMG_4138-683x1024.jpg)
Lína mín setur alltaf ögn af smátt skornum döðlum í sitt salat sem ég veit að er ekki gert venjulega. Ég bætti svo um betur og bætti líka við það ögn af valhnetum.
![](https://paz.is/wp-content/uploads/2022/04/IMG_4106-scaled-e1651267502644-796x1024.jpg)
Þið megið alveg ráða hvort þið gerið það líka en mér finnst salatið fullkomið þannig.
![](https://paz.is/wp-content/uploads/2022/04/IMG_4120-scaled-e1651267545561-980x1024.jpg)
Lína mín er algjör höfðingi heim að sækja og gerir svo dásamlega fallegar veislur, og það sem mestu skiptir er að allar veitingar sem hún býður upp á klikka aldrei.
![](https://paz.is/wp-content/uploads/2022/04/IMG_4130-683x1024.jpg)
![IMG_4117](https://paz.is/wp-content/uploads/2022/04/IMG_4117-585x585.jpg)
Hráefni
- 1 dós sýrður rjómi
- 1/2 dós Gunnars majónes (minni dósinn þessi sem er 250 ml)
- 1 rauð paprika (ég notaði Ramiro)
- 1 lítill púrrulaukur eða 1/4 stór
- Rauð vínber eftir smekk
- 1 Mexikó kryddostur
- 1 hvítlauks kryddostur (mér finnst frá Örnu betri, persónulegt mat)
Valfrjálst:
- 1/2 dl smátt skornar döðlur
- 1/2-1 dl smátt skornar valhnetur eða pekanhnetur
Aðferð
Best er að gera salatið kvöldinu áður, en það geymist alveg upp í 5 daga í ísskap. Mér finnst líka gott að taka það úr kælir eins og 30 mín áður en þess er neytt
- Hrærið saman majónesi og sýrðum rjóma í skál
- Skerið paprikuna smátt og púrrulaukinn
- Skerið svo vínberin í þunnar skífur (mér finnst það best þannig)
- Mér finnst betra ef osturinn er skorinn niður í litla ferninga en ekki of stóra bita
- Setjið svo ostinn, paprikuna, púrrulaukinn og vínberin út í majónesblönduna og hrærið vel
- Ef þið notið döðlur og hnetur þá þarf að skera það frekar smátt og setja saman við og hræra
- Berið fram með góðu kexi, súrdeigsbrauði, nýbökuðu baguette eða því sem þér finnst passa vel með ostum
Verði ykkur að góðu
María