Léttur kjúklingaréttur í kryddaðri gulrótarsósu

höf: maria

-Samstarf-

Þennan kjúklingarétt hef ég gert í meira en 15 ár og stendur hann alltaf fyrir sínu.

Hann er í senn hollur en afar ljúffengur, og bæði krakkar og fullorðnir elska hann.

Hann tekur enga stund að gera og er afar auðveldur. Gott er að bera fram með honum cous cous og salat.

Ég mæli með að þið prófið að gera þennan dásemdar kjúklingarétt enda með eindæmum góður og líka hollur og kaloríusnauður.

Gulrótarsósan er bragðmikil og þétt í sér og hjúpar kjúklingin svo fallega og gefur réttinum afar ljúffenga áferð.

Það hráefni sem ég á oftast til heima eru Rose Poultry kjúklingabringur, Philadelphia rjómaostur og gulrætur og því ekkert mál að hreinlega henda bara í hann enda bara örfá hráefni sem þarf.

Léttur kjúklingaréttur í kryddaðri gulrótarsósu

-Samstarf- Þennan kjúklingarétt hef ég gert í meira en 15 ár og stendur hann alltaf fyrir sínu. Hann er í senn hollur… Aðalréttir Léttur kjúklingaréttur í kryddaðri gulrótarsósu European Prenta
Serves: 4 Prep Time: Cooking Time:
Nutrition facts: 200 calories 20 grams fat

Hráefni

  • 2 msk spelt eða hveiti 
  • 1 tsk fínt borðsalt 
  • 4 stk kjúklingabringur 
  • 2 msk ólífuolía 
  • 300 gr gulrætur 
  • 1 tsk paprikuduft 
  • 1 tsk kóríander 
  • 1/2 tsk engiferkrydd
  • 1 msk Oscar kjúklingadufts kraftur 
  • 2,5 dl soðið vatn + 2 msk seinna 
  • 1 msk sítrónusafi 
  • 2 msk Philadelphia Light 
  • söxuð fersk baslika til að dreifa yfir réttinn

Aðferð

  1. Veltið bringunum upp úr hveiti og hitið olíu á pönnu 
  2. Setjið bringurnar út á heita olíuna og saltið með 1 tsk fínu borðsalti. Steikið í 2 mín á hvorri hlið og takið tímann
  3. Skrælið gulrætur og skerið í þunnar sneiðar og bætið út á pönnuna ásamt kryddunum þremur og hrærið
  4. Hafið heitt soðið vatn tilbúið við höndina og setjið 1 msk af Oscar kjúklingakraft í duftformi út á ásamt 2,5 dl af soðnu  vatni og sítrónusafa 
  5. Látið suðuna koma upp og lækkið niður í lægsta hita og leyfið að malla saman á pönnuni í eins ug um 10 mín undir loki
  6. Færið þá bringurnar yfir á disk og setjið gulrætur ásamt safanum á pönnuni í blandara eða matvinnsluvél ásamt 2 msk af vatni og 2 msk af Philadelphia light og maukið vel
  7. Hellið svo gulrótarsósunni aftur út á pönnuna ásamt bringunum og leyfið að malla í eins og 2-4 mínútur saman
  8. Raðið bringunum á diska og hellið sósunni vel yfir og stráið ferskri basiliku yfir 
  9. Berið fram með cous cous  og einnig er gott að hafa með salat eða soðið spergilkál 

Verði ykkur að góðu

María

Aðrar greinar sem þér gæti líkað

Skrifaðu athugasemd

The maximum upload file size: 4 MB. You can upload: image, spreadsheet, interactive, text, archive, code, other. Links to YouTube, Facebook, Twitter and other services inserted in the comment text will be automatically embedded. Drop file here