-Samstarf-
Gamla góða aspasrúllubrauðið, sem örugglega flestir þekkja úr veislum síðan í gamla daga, er eitthvað sem klikkar aldrei í veislu.
![](https://paz.is/wp-content/uploads/2022/05/IMG_4269-683x1024.jpg)
Ég bara skil hreinlega ekki af hverju ég hef ekki sett uppskriftina af þessu brauði hér inn á bloggið fyrir löngu síðan.
![](https://paz.is/wp-content/uploads/2022/05/IMG_4283-683x1024.jpg)
Líklegast því það er uppskrift af því undir highlihgts á Instagramminu mínu þar sem ég gef afar einföld veisluráð og uppskrift af þessum rétti m.a.
![](https://paz.is/wp-content/uploads/2022/05/IMG_4277-761x1024.jpg)
Þessi veisluráð hafa hjálpað ansi mörgum við að undirbúa veislur á einfaldan hátt, en þau getið þið séð með því að fara inn á Instagrammið mitt hér í higlights/veisluráð.
![](https://paz.is/wp-content/uploads/2022/05/IMG_4318-803x1024.jpg)
Ég veit að það eru til ótal útgáfur af þessum rétti og hver og einn gerir hann líklegast á sinn hátt. Ég hef gert hann alls kyns og allavega en þessi útgáfa finnst mér vera best.
![](https://paz.is/wp-content/uploads/2022/05/IMG_4268-683x1024.jpg)
Ég fékk þessa útgáfu, eða svipaða, hjá Auði vinkonu í afmæli á sínum tíma og ákvað að reyna að leika hann eftir.
![](https://paz.is/wp-content/uploads/2022/05/IMG_4305-683x1024.jpg)
Hvort rétturinn er nákvæmlega eins og hennar er ég ekki viss, en þetta er sú útgáfa sem ég nota alltaf í veislur og klárast upp til agna.
![](https://paz.is/wp-content/uploads/2022/05/IMG_4296-764x1024.jpg)
Ég prófaði í þetta skiptið að nota Heinz majónes í réttinn, sem mér finnst besta erlenda majónesið og nota mikið í sósur t.d í þessa piparmajó sósu hér.
![](https://paz.is/wp-content/uploads/2022/05/IMG_4302-773x1024.jpg)
Hægt er að fá Heinz majónes í tveimur stærðum, í krukku og kreistitúpu sem mér finnst vera algjör snilld.
![](https://paz.is/wp-content/uploads/2022/05/IMG_4328-683x1024.jpg)
Ég er ekki frá því að rétturinn hafi aldrei verið betri en núna enda er þetta majónes með svo góða silkumjúka áferð og bragðgott.
![](https://paz.is/wp-content/uploads/2022/05/IMG_4266-683x1024.jpg)
Ég get ekki annað en hvatt þig til að hafa þetta rúllubrauð í öllum þínum veislum, því það er svo ótrúlega auðvelt að gera og klárast alltaf.
![](https://paz.is/wp-content/uploads/2022/05/IMG_4280-683x1024.jpg)
Endilega kíktu inn á Instagrammið, til að sjá hvernig ég geri brauðin, og þú munt sannfærast um hversu auðvelt er að gera þau.
![](https://paz.is/wp-content/uploads/2022/05/IMG_4310-681x1024.jpg)
![IMG_4281](https://paz.is/wp-content/uploads/2022/05/IMG_4281-585x585.jpg)
Hráefni
- 4 stk rúllutertubrauð
- 1 askja skinkumyrja
- 1 askja sveppasmurostur
- 2,5 dl Heinz majónes og auka til að smyrja á brauðið fyrir hitun
- 1 dós grænn aspas
- 1 dós sveppir
- 250 gr smátt skorin skinka
- Rifinn ostur
- Smá paprikuduft
Aðferð
- Afþýðið brauðin
- Setjið báða ostana ásamt majónesi saman í skál og hrærið saman
- Hellið næst eins og helmingnum af safanum úr bæði sveppadósinni og aspasdósinni út í skálina og hrærið. Hellið restinni af safanum af dósunum og setjið aspasinn og sveppina út í skálina (mér finnst gott að skera sveppina aðeins smærra niður)
- Skerið skinkuna smátt niður og setjið í skálina og hrærið öllu vel saman
- Rúllið nú brauðinu út svo það verði ferningur og smyrjið gumsinu yfir allt brauðið, ekki hafa of þykkt og mikið á hverju brauði (mér finnst gott að hafa brauðið á bökunarplötunni þegar ég geri þetta svo ég þurfi svo ekki að færa það yfir)
- Rúllið næst brauðinu upp og endurtakið við öll 3 brauðin sem eru eftir
- Smyrjið næst majónesi í þunnu lagi yfir brauðin og líka á hliðarnar, þannig að brauðin eru alveg þakin majónesi
- Stráið rifnum osti yfir og sáldrið smá paprikudufti yfir ostinn
- Stingið í 195-200 °C heitan ofninn á blæstri í 15-20 mínútur eða þar til er orðið gyllinbrúnt og berið fram heitt.
- Ef það verður afgangur er gott að hita það aftur upp í ofni á sama hita í eins og 10 mínútur og þá verður það sem nýtt
Verði ykkur að góðu
María