-Samstarf-
Alba elskar slaufupasta með ostasósu, eða fiðrildapasta eins og hún kallar það.
![](https://paz.is/wp-content/uploads/2021/09/IMG_1386-683x1024.jpg)
Hún og bræður hennar eru samt smá gikkir þegar kemur að elduðu grænmeti, en það má helst ekki sjást neitt slíkt í matnum.
![](https://paz.is/wp-content/uploads/2021/09/IMG_1389-683x1024.jpg)
Hins vegar eru þau afar dugleg að borða ferskt grænmeti og passa ég því að hafa það alltaf með öllum mat.
![](https://paz.is/wp-content/uploads/2021/09/IMG_1400-683x1024.jpg)
Til að fá góða bragðið í pastaréttinn, sem sveppir og blaðlaukur gefa, tek ég til þess ráðs að mauka það í blandara.
![](https://paz.is/wp-content/uploads/2021/09/IMG_1402-683x1024.jpg)
Ykkur gæti þótt það kannski skrítið en þannig næ ég að bæta grænmeti út í sem gefur rétta bragðið án þess að þau verði var við neitt og eykur enn á hollustugildið.
![](https://paz.is/wp-content/uploads/2021/09/IMG_1392-683x1024.jpg)
Ég mæli með að þið prófið að gera það líka ef þið eigið gikki eins og ég þegar kemur að elduðu grænmeti.
![](https://paz.is/wp-content/uploads/2021/09/IMG_1407-1024x683.jpg)
Með þessu móti eruð þið líka að venja bragðlauka barnsins á bragðið af sveppum og blaðlauk án þess að þau fatti það.
![](https://paz.is/wp-content/uploads/2021/09/IMG_1391-682x1024.jpg)
Því í raun er það bara áferðin á eldaða grænmetinu sem fer í þau en ekki endilega bragðið.
![](https://paz.is/wp-content/uploads/2021/09/IMG_1389-1-847x1024.jpg)
![IMG_1408](https://paz.is/wp-content/uploads/2021/09/IMG_1408-585x585.jpg)
Hráefni
- 300 gr De cecco pastaslaufur
- 80 gr smátt skornir sveppir
- 60 gr blaðlaukur smátt skorin
- 1/2 dl matreiðslurjómi (fyrir grænmetið)
- 1 msk ólífuolía
- 150 gr silkiskorin skinka
- 1/3 tsk þurrkað timian
- salt og pipar
- 1 dós skinkumyrja
- 1,5 dl matreiðslurjómi
- 2 tsk rifinn parmesan ostur
Aðferð
- Setjið vatn í pott og saltið vel (næstum eins og sjóvatn) og látið suðuna koma upp og bætið þá pastanu út í og sjóðið í 11-13 mínútur
- Á meðan setjið þá sveppi og blaðlauk í matvinnsluvél eða blandara en skerið það aðeins smærra niður fyrst og bætið 1/2 dl matreiðslurjóma út í og maukið þar til er orðið eins og hummus eða kæfa
- Setjið svo olíu á pönnu og setjið smátt skorna silkiskinku út á og steikið í smá stund
- Hellið svo sveppagumsinu yfir skinkuna og saltið og piprið og látið stikna eins og í 3-5 mín við miðlunghita (ykkur gæti þótt þetta líta skringilega út á þessu stigi eða smá eins og túnfiskur en það lagast á eftir)
- Setjið svo næst skinkumyrjuna út á ásamt 1,5 dl matreiðlsurjóma, timían og parmesan ostinum og látið sjóða þar til allt er vel brætt saman og orðin þykk og silkumjúk ostasósa
- Bætið þá pastaslaufunum saman við sósuna og hrærið öllu vel saman og leyfið því að sjóða í eins og 2 mínútur saman
- Berið fram með hvítlauksbrauði og fersku grænmeti
Verði ykkur góðu
María