-Samstarf-
Ég hefði aldrei trúað því að það yrði hægt að baka jafn gott brauð á jafn einfaldan máta og ég gerði núna í fyrsta skiptið um daginn.
![](https://paz.is/wp-content/uploads/2022/03/IMG_3817-683x1024.jpg)
Það er komin svo frábær viðbót frá Kitchen Aid sem hjálpar til við brauðbakstur og einfaldar málið á snilldarlegan hátt.
![](https://paz.is/wp-content/uploads/2022/03/IMG_3780-683x1024.jpg)
Um er að ræða sérstaka brauðbökunarskál þar sem maður gerir allt ferlið í skálinni þ.e blandar, hnoðar, hefar og bakar !!! Hægt er að gera bæði brauð eða jafnvel snúða og alls kyns gerbakstur.
![](https://paz.is/wp-content/uploads/2022/03/pjimage-1-1024x576.jpg)
Í staðinn fyrir endalausar tilfærslur milli skála og íláta þá þarf maður ekkert nema þessa einu skál í baksturinn.
![](https://paz.is/wp-content/uploads/2022/03/IMG_3783-683x1024.jpg)
Og útkoman, guð minn góður, það allra besta heimabakaða brauð sem ég hef smakkað. Eins og beint úr spænsku eða ítölsku bakaríi.
![](https://paz.is/wp-content/uploads/2022/03/IMG_3797-683x1024.jpg)
Skorpan var eitthvað annað góð, hún var létt og stökk og svona fleikí eins og maður myndi segja á slæmri íslensku.
![](https://paz.is/wp-content/uploads/2022/03/IMG_3798-683x1024.jpg)
Mér fannst ég vera að borða nýbakað ciabatta brauð, það var þannig skorpa á brauðinu mínu.
![](https://paz.is/wp-content/uploads/2022/03/IMG_3801-683x1024.jpg)
Ég ákvað að selja gömlu bláu yndislegu hrærivélina mína og fá mér nýja í hlutlausari lit þar sem ég er að breyta öllu hér heima.
![](https://paz.is/wp-content/uploads/2022/03/IMG_3420-683x1024.jpg)
Ég fékk mér kremlitaða Artisan 185 vél í þetta skiptið eins og þessa hér, og vá ég er að elska hana.
![](https://paz.is/wp-content/uploads/2022/03/IMG_3569-683x1024.jpg)
Munurinn á Artisan 175 og 185 er aðallega sá að Það er enginn munur á vélinni sjálfri, heldur aðallega munur á aukahlutunum.
![](https://paz.is/wp-content/uploads/2022/03/IMG_3455-1-683x1024.jpg)
185 vélin er með skál með mattri áferð og fylgihlutirnir eru úr ryðfríu stáli og mega því fara í uppþvottavél.
![](https://paz.is/wp-content/uploads/2022/03/IMG_3454-1-scaled-e1646691315530-961x1024.jpg)
175 vélin kemur með auka flötum hrærara með sleikjuarmi sem er ekki með 185 vélinni, en aukahlutirnir með 175 vélinni mega ekki fara í uppþvottavél.
![](https://paz.is/wp-content/uploads/2022/03/IMG_3804-683x1024.jpg)
Uppskriftina af brauðinu fékk ég á erlendu heimasíðu kitchen Aid en það var ótrúlega einfalt og ekki nema 4 hráefni í því.
![](https://paz.is/wp-content/uploads/2022/03/IMG_3803-683x1024.jpg)
Brauðbökunarskálin fæst í Raflandi og mæli ég eindregið með að þið fjárfestið í einni slíkri ef þið elskið að baka brauð.
![](https://paz.is/wp-content/uploads/2022/03/IMG_3809-683x1024.jpg)
Útkoman er brauð á alveg nýju leveli, brauð eins og úr besta bakaríi.
![](https://paz.is/wp-content/uploads/2022/03/IMG_3812-683x1024.jpg)
Hér er hægt að kynna sér skálina enn betur og hér getið þið pantað hana beint af vefnum, en hún er hverrar krónu virði.
![IMG_3803](https://paz.is/wp-content/uploads/2022/03/IMG_3803-scaled-e1646693127315-585x585.jpg)
Hráefni
- 375 gr hveiti
- 6 gr þurrger
- 8 gr fínt borðsalt
- 300 ml volgt vatn
Aðferð
- Byrjið á að hita brauðgerðarskálina með því að fylla hana af heitu vatni og þurrka svo vel á eftir
- Setjið öll þurrefnin (líka gerið) saman í volga brauðgerðarskálina og setjið krókinn á
- Hrærið létt saman með króknum á stillingu 2
- Bætið nú volgu vatninu hægt og rólega saman við meðan hún er að hnoða á stillingu 2
- Hnoðið í eins og 1,5 til 2,5 mínútu eða þar til deigið er búið að hringa sig um krókinn (ATH deigið er blautt og á að vera þannig)
- Setjið næst lokið á skálina og látið hefast á volgum stað í 1 klst (mér finnst gott að láta hefast á gólfi með gólfhita eða í gluggakistu með miðstöðvarofni undir)
- Setjið næst örlítið hveiti á bretti til að deigið festist ekki á því og takið deigið úr skálinni og setjið á brettið
- Teygjið það ögn út og inn að miðju og mótið úr því fallega kúlu
- Setjið næst bökunarpappír á lokið sem snýr nú upp eins og fat, stráið ögn hveiti yfir brauðið
- Þvoið skálina, þurrkið hana og stráið vel af hveiti inn í skálina þannig það þeki brúnar hennar
- Hvolfið skálinni svo yfir lokið með deiginu á og látið hefast í aðrar 30 mín
- Kveikið næst á ofninum við 230 °C hita (blástur er betra) og stingið skálinni inn á hvolfi sem næst miðju en samt þannig sé pláss fyrir hana í ofninum
- Bakið í 30 mín og kikjið svo á brauðið, hjá mér var það til eftir 30 mínútur
- Ef ykkur finnst það þurfa meiri tíma stingið því þá aftur inn án þess að hvolfa skálinni aftur yfir heldur bara á lokinu í 5-10 mínútur til viðbótar
![](https://paz.is/wp-content/uploads/2022/03/IMG_3785-683x1024.jpg)
Verði ykkur að góðu
María
Ef þið viljið sjá betur hvernig skálin virkar getið þið farið á high lights hjá mér á Instagram undir Kitchen Aid