Sykurpúða salat með jólasteikinni klikkar ekki

Það er svo skemmtilegt þegar maður kynnist maka sínum að heyra af jólahefðum sem hann hefur átt í sinni æsku. Sem betur fer voru jólahefðirnar á heimilum okkar Ragga mjög svipaðar.

Hamborgarahryggur á aðgangadag, hangikjöt á jóladag, jólatré skreytt á Þorláksmessu og fleira sem hefur eflaust tíðkast í gamla daga á Íslandi á mörgum heimilum.

Það eru hins vegar tvær jólahefðir sem hann kom með inn í okkar samband sem við höfum ákveðið að viðhalda, enda gaman að taka eitthvað frá báðum og gera það að hefð fyrir okkar eigin fjölskyldu.

Svo búum við til okkar eigin hefðir líka, sem börnin okkar munu svo vonandi tileinka sér í framtíðinni.

Þessar tvær jólahefðir sem Raggi kom með inn í hjónabandið er Sykurpúða salat með hamborgarahryggnum og svo Engiferkökur fyrir hver jól.

Sykurpúða salatið er skemmtilega öðruvísi og fer afar vel með söltu kjötinu, en það samanstendur af ávöxtum, kókós, sykurpúðum og sýrðum rjóma.

Sykurpúða salat með jólasteikinni klikkar ekki

maria Það er svo skemmtilegt þegar maður kynnist maka sínum að heyra af jólahefðum sem hann hefur átt í sinni æsku. Sem betur… Meðlæti Sykurpúða salat með jólasteikinni klikkar ekki European Prenta

Nutrition facts: 200 calories 20 grams fat

Hráefni

• 1 dós sýrður rjómi
• 1/2 bolli kókósmjöl
• 1 dós mandarínur (fæst í Bónus)
• 1 dós ananas (lítil dós 230 gr)
• Sykurpúðar stórir. Magn eftir smekk, ég nota rúmlega hálfan poka og klippi þá niður í 4 bita. Gerir c.a 200 gr sykurpúða

Aðferð

1. Skerið ananasinn niður í litla bita. Setjið svo ananasinn og mandarínurnar með helmingnum af safanum úr hverri dós í skál
2. Sáldrið Kókósmjölinu yfir allt og svo sykurpúðunum.
3. Setjið svo sýrða rjómann á allt og hrærið vel saman.
4. Geymið í kæli 2 klst áður en borið er fram en því lengur því betra. Gott að gera um morguninn ef bera á fram um kvöldið

Punktar

Salatið er mjög auðvelt í framkvæmd en best er að gera það svona 1-2 klst áður en það er borið fram og geyma í ísskáp fram að því.

Væri ekki gaman að prófa eitthvað nýtt og spennandi með jólasteikinni í ár ? Þá er þetta salat alveg tilvalið í það.

Verði ykkur að góðu

María