Ostakaka Lions kvenna

Eftirréttir Sætindi Tertur & Kökur

Þessi uppskrift af ostaköku er ein af þeim sem hefur fylgt mér ansi lengi eða í heil 20 ár. Ég man svo vel hvar ég fékk hana en það var í vinnustaðarboði þar sem kræsingarnar voru hver annari betri.

Auðvitað bað ég um að fá uppskriftina, en hana handskrifaði ég á servíettu upp úr uppskriftarbók Lions kvenna. Ostakökuna gerði ég svo í hverju einasta afmæli í nokkur ár á eftir.

Það var samt liðinn þónokkuð langur tími síðan ég hafði gert hana, þegar handskrifaða servíettan dúkkaði upp með uppskriftinni á. Því var ekki spurning um annað en að henda í eina og gefa ykkur uppskriftina.

Ég viðurkenni það að ég elska svona uppskriftir eins og þessa, því hana er rosalega auðvelt að gera og ekkert vesen í kringum hana. Hér þarf ekki mörg hráefni, bara nokkur af þeim bestu eins og rjóma, rjómaost og fersk ber.

Umm namm eruð þið ekki að fá vatn í munninn ? Ég alla vega elska þessa ostaköku og vona að þið munið gera það líka.

Í þessa ofsagóðu ostaköku þarf

Botn:

  • 240 gr Homeblest (pakkinn er 300 gr takið 4 kökur úr)
  • 60 gr smjörlíki eða smjör

Fylling:

  • 400 gr rjómaostur
  • 1/2 líter rjómi
  • 3 dl flórsykur

Ofan á:

  • Fersk bláber
  • Fersk jarðaber
  • Súkkulaðispænir (val)

Aðferð:

  1. Myljið kexið í blandara eða setjið í poka og berjið með kefli þar til orðið alveg að mylsnu
  2. Bræðið smjör/líki og blandið við kexið
  3. Þjappið ofan í eldfast mót en best er að nota form eða mót fyrir kökuna, þ.e ekki sem á að taka hana úr
  4. Þeytið næst rjómaost og flórsykur saman og þeytið svo rjómann sér
  5. Blandið svo ofurvarlega saman, með sleikju, þeytta rjómanum og rjómaostinum þar til orðið vel blandað saman
  6. Setjið svo ostablönduna yfir kexmylsnuna jafnt yfir allt varlega
  7. Skerið svo niður ber og dreifið jafnt yfir kökuna
  8. Mér finnst rosa gott að setja smá súkkulaðispænir yfir allt en þess þarf ekki
  9. Hægt er að bera strax fram en best er að kæla hana í eins og eina klst í ísskáp áður en hún er borin fram jafnvel lengur

Verði ykkur að góðu

María 

Endilega fylgið mér á Instagram með því að ýta hér 

No Comments Write a comment

Please add an author description.

No Comments

Leave a Reply

Pin It on Pinterest