Syndsamleg súkkulaðikaka í blúndu

höf: maria

Já það er hverju orði sannara að þessi er sko syndsamlega góð og má enginn sem les þessa uppskrift sleppa því að prófa hana. Uppskriftin kemur frá suðurríkjum Bandaríkjanna, nánar tilgetið í fylkinu Alabama.

Kakan er eins og dökka Betty Crocker kakan nema bara miklu betri, þó hin sé mjög góð líka. Hún er dökk, mjúk og djúsí og stenst hana enginn sem kemst í tæri við hana.

Þið eiginlega verðið bara að prófa hana sjálf til að skilja hvað ég er að meina.

Syndsamleg súkkulaðikaka í blúndu

Já það er hverju orði sannara að þessi er sko syndsamlega góð og má enginn sem les þessa uppskrift sleppa því að… Bakstur Syndsamleg súkkulaðikaka í blúndu European Prenta
Nutrition facts: 200 calories 20 grams fat

Hráefni

Botnar:

  • 2 bolla af sykri
  • 1 3/4 bolla af hveiti
  • 3/4 bolla af  kakó
  • 1 og 1/2 tsk lyftiduft
  • 1 og 1/2 tsk matarsódi
  • 1 tsk af salti
  • 2 egg
  • 1 bolla af AB mjólk eða sýrðum rjóma
  • 1/2 bolla af grænmetis eða sólblómaolíu
  • 2 tsk vanilludropa
  • 1 bolla kaffi (Ég sýð bara vatn og set 1 tsk instant kaffi út í)

Krem:

  • 1 pakka af flórsykri
  • 3 kúfaðar matskeiðar af dökku bökunarkakó
  • 300 gr mjúkt smjör eða Ljóma
  • 1 tsk vanilludropar
  • 2 msk af kaffi
  • 1/2 tsk af salti

Aðferð

  1. Hitið ofninn á 180 C°blástur
  2. Setjið öll þurrefnin í skál og hrærið létt saman.
  3. Bætið því næst eggjunum út í og svo restinni af uppskriftinni, nema kaffinu, geymið það þar til síðast
  4. Svo er öllu þeytt saman í mjög stutta stund, ef þið hrærið of lengi þá verða botnarnir seigir
  5. Deigið á að vera þykkt og þétt í sér þegar hér er komið við sögu
  6. Stoppið hrærivélina og hellið kaffinu út í og kveikið aftur í mjög stutta stund á miðlungs hraða.
  7. Það er nóg að hráefnin blandist bara rétt saman og blandan verði mjúk, glansandi og frekar þunn
  8. Ef þið notið 21 cm form þá verða þetta 3 botnar. Í 26 cm formi fáið þið tvo botna. Ég notaði núna 21 cm form. Einnig er hægt að gera í ofnskúffu en þá þarf að tvöfalda uppskriftina.
  9. Spreyið formið að innan með bökunarspreyi. Fyrir þessa uppskrift er spreyið betra en að smyrja formin að innan með smjöri
  10. Sníðið smjörpappa í botninn og spreyið svo aftur yfir hann.
  11. Hellið svo blöndunni varlega ofan í formin og látið ná 3/4 upp, eða aðeins meira en upp að helming. Kakan lyftir sér vel og ef sett er of mikið í formið getur hún byrjað að leka upp úr inni í ofninum
  12. Setjið nú kökuna í ofninn á 180 C° í 35 mínútur
  13. Þegar hún á að vera orðin tilbúin, opnið þá ofninn og stingið í miðjuna á henni með hníf eða prjón og ef það kemur alveg hreint upp úr er kakan til. Ef það er blautt deig, á hnífnum eða prjóninum, þá þarf að baka hana í 5 mín í viðbót. Takið hana svo úr ofninum og látið kólna vel áður en kremið er sett á hana.
  14. Gott er að gera kremið meðan kakan er að bakast í ofninum. Til þess þurfið þið að vera búin að mýkja upp smjörið.

Krem:

  1. Setjið öll þurrefni í skál og brjótið svo mjúkt smjörið ofan í, og hellið síðast kaffinu yfir.
  2. Hrærið allt saman á miklum hraða þar til kremið er orðið silkimjúkt
  3. Kremið á að líta svona út þegar það er tilbúið
  4. Geymið kremið upp á borði þar til því er smurt á kökuna

Kakan sett saman

  1. Þegar botnarnir eru orðnir kaldir er tími til að setja kremið á.
  2. Setjið vel af kremi á milli og hafið það kúptara í miðjunni. Setjið svo hinn botninn ofan á, og smyrjið þann botn líka með kremi
  3. Látið kremið út á hliðarnar og þekjið alla kökuna með því
  4. Ef þið viljið þá getið þið sett kökuna í blúndukjólinn en í hann þarf hnetur og hvítt súkkulaði að eigin vali. Ég notaði hér valhnetur og hvítt Toblerone.
  5. Setjið hnetur og súkkulaði saman í blandara á full speed þar til það er orðið að grófum mulningi
  6. Passið að hræra ekki of mikið svo það verði ekki að smjöri
  7. Setjið súkkulaðihnetumulningin á með matskeið. Það þarf að þjappa honum upp á hliðarnar með bakhlið skeiðarinnar 
  8. Skerið að lokum niður fersk jarðaber og raðið jarðaberjunum ofan á en því má líka sleppa og hafa kökuna bara hefðbundna djöflaköku 
  9.  

Punktar

Ef þið viljið hafa kökuna bara hefðbundna djöfletertu þá getið þið sleppt hnetumulningnum og jarðaberjunum, en það tvennt gerir kökuna ögn sparilegri og er líka mjög gott með henni.

Berið fram með þeyttum rjóma og þá er þetta orðið fullkomlega fullkomið

Knús

María 

Aðrar greinar sem þér gæti líkað

Skrifaðu athugasemd

The maximum upload file size: 4 MB. You can upload: image, spreadsheet, interactive, text, archive, code, other. Links to YouTube, Facebook, Twitter and other services inserted in the comment text will be automatically embedded. Drop file here