Kjúklingabringur með jarðaberjum og BBQ sósu

höf: maria

-Samstarf-

Ég viðurkenni það að ég var á báðum áttum með hvort ég ætti að setja þessa uppskrift inn á vefinn svo framandi er hún. Ég ákvað samt að láta slag standa því ég get alveg lofað að hún mun koma á óvart.

Allavega heyrði ég það mjög oft við matarborðið þegar við vorum að snæða hann, vá hvað þetta kemur á óvart !! Ég hvet ykkur til að prófa, en BBQ sósa og jarðaber fara afar vel saman ásamt meirum kjúklingnum.

Ég notaði BBQ sósu frá Hunts en þær eru komnar í nýjan búning og til í mörgum bragðtegundum. Í þennan rétt notaði ég með Mesquite Molasses.

Kjúklingurinn verður ótrúlega meir og góður í sósunni en réttinn er gott að bera fram með kartöflumús eða frönskum eða cous cous og fersku salati með fetaosti og svörtum ólífum.

Kjúklingabringur með jarðarberjum og BBQ sósu

-Samstarf- Ég viðurkenni það að ég var á báðum áttum með hvort ég ætti að setja þessa uppskrift inn á vefinn svo… Aðalréttir Kjúklingabringur með jarðaberjum og BBQ sósu European Prenta
Serves: 4 Prep Time: Cooking Time:
Nutrition facts: 200 calories 20 grams fat

Hráefni

  • 4 bringur 
  • 1/2 lítill rauðlaukur smátt skorinn
  • 2 msk. ólífuolía 
  • 1 bolli Hunts BBQ sósa 
  • 2 msk. púðursykur
  • 2 msk. balsamikedik
  • 2 msk. hunang 
  • 8-10 stk fersk jarðarber
  • 1 dl rjómi
  • salt og pipar

Aðferð

  1. Byrjið á að hita ofninn á 190 C°blástur 
  2. Skerið svo bringurnar þvert fyrir miðju þannig að úr verði tvær þunnar bringur úr einni
  3. Hitið olíu á pönnu og steikjið bringurnar þar til er komin smá gylling á þær, þurfa ekki að stikna í gegn, saltið þær og piprið
  4. Takið bringurnar af pönnuni og setjið í eldfast mót 
  5. Steikjið svo smátt skorinn laukinn upp úr sömu olíu og kjúklinginn og saltið létt yfir
  6. Hellið svo BBQ sósunni, balsamikedikinu, púðursykrinum og hunanginu út á og lækkið undir 
  7. Leyfið sósunni að þykkna og bætið þá við 1 dl rjóma 
  8. Sjóðið í nokkrar mínútur og hellið svo yfir kjúklinginn í eldfasta mótinu
  9. Stingið í ofn í 25 mínútur
  10. Skerið niður jarðarberin í þunnar skífur 
  11. Þegar rétturinn er til úr ofninum eru jarðaberin sett út á hann heitann og hrært saman við
  12. Berið fram með Kartöflumús eða frönskum eða cous cous og fersku salati

 

Punktar

Ef þið óttist að jarðarberin verði eitthvað leðjuleg ofan í réttinum þá er það alveg óþarfi, ef þau eru sett út í þegar rétturinn kemur úr ofninum verða þau alveg fullkomin.

Verði ykkur að góðu

María

Aðrar greinar sem þér gæti líkað

Skrifaðu athugasemd