-Samstarf-
Hvað minnir meira á jólin en piparköku og mandarínulykt ?
![](https://paz.is/wp-content/uploads/2021/12/IMG_2551-683x1024.jpg)
Hér er ég með dýrindis ísrétt eða gamla góða bananasplittið í jólabúning.
![](https://paz.is/wp-content/uploads/2021/12/IMG_2596-729x1024.jpg)
Afar hefðbundið bananasplitt samt sem áður nema með karamellussósu sem ég kryddaði með þessum týpísku piparkökukryddum.
![](https://paz.is/wp-content/uploads/2021/12/IMG_2554-797x1024.jpg)
Útkoman er æði, en karamellusósan er silkimjúk og með keim af piparkökubragði. Ef þið viljið hafa smá bit í réttinum getið þið mulið yfir hann piparkökur.
![](https://paz.is/wp-content/uploads/2021/12/IMG_2575-683x1024.jpg)
Bananasplitt er ísréttur sem mér finnst hafa svoldið gleymst með árunum en guð hvað það er gott.
![](https://paz.is/wp-content/uploads/2021/12/IMG_2580-709x1024.jpg)
Í bananasplitti má alls ekki gleyma að hafa með þeyttan rjóma, þá ekki sprauturjóma heldur ekta íslenskan heimaþeyttan rjóma.
![](https://paz.is/wp-content/uploads/2021/12/IMG_2554-scaled-e1638806464138-584x1024.jpg)
Í karamellusósuna notaði ég Salted caramels frá Walkers en þær eru alveg fullkomnar í þessa íssósu og útkoman lætur ekki á sér standa.
![](https://paz.is/wp-content/uploads/2021/12/IMG_2586-683x1024.jpg)
Ofurljúffengt bananasplitt sem ég mæli með að þið prófið fyrir jólin, nú eða bara allan ársins hring þess vegna.
![](https://paz.is/wp-content/uploads/2021/12/IMG_2569-747x1024.jpg)
Ef þið viljið gera karamellusósuna meira hversdags má þess vegna setja í hana 2 tsk bökunakakó í stað piparkökukryddana, eða bara bræða saman karamellurnar og rjómann.
![](https://paz.is/wp-content/uploads/2021/12/IMG_2573-683x1024.jpg)
Það þarf ekkert meira til.
![](https://paz.is/wp-content/uploads/2021/12/IMG_2547-753x1024.jpg)
![IMG_2593](https://paz.is/wp-content/uploads/2021/12/IMG_2593-585x585.jpg)
Hráefni
Bananasplitt
- 2 vanillu ískúlur
- Þeyttur rjómi
- 1 Banani
Piparköku karamelluíssósa
- 150 gr eða einn poki Walkers salted caramel karamellur
- 1 dl rjómi
- 1 tsk kanill
- 1/2 tsk engiferkrydd
- 1/4 tsk múskat (má sleppa, en með 1/4 tsk á ég við rétt botninn á 1 tsk þá mæliskeið)
- 1/4 tsk negull
- 1/4 tsk hvítur pipar
- 1/2 tsk vanilludropar
Aðferð
Bananasplitt
- Byrjið á að gera íssósuna með því að setja saman rjóma, karamellur og kryddin í pott og bræða allt vel saman
- Hrærið í af og til og hafið á miðlungshita
- Þegar allt er vel brætt saman leyfið þá sósunni að malla í eins og 5 mínútur til að kryddin fái að njóta sín
- Skerið svo 1 stk banana í tvennt langsum fyrir miðju
- Setjið tvær vanillu ískúlur á milli bananans á sitthvorn endanum og setjið þeyttan rjóma í miðjuna á milli ískúlana
- Hellið svo karamellusósunni yfir heitri og það má jafnvel mylja smá piparkökur yfir til að hafa enn meira jóla
![](https://paz.is/wp-content/uploads/2021/12/IMG_2565-1024x683.jpg)
Gleðileg Jól
María