Kjúklingabringur í súrsætri sósu….á kínverskan máta

Aðalréttir Kjúklingur Matur

Mér hefur alltaf fundist svínakjöt í súrsætri sósu mjög góður kínverskur réttur. Hins vegar set ég alveg smá spurningamerki við hversu hollur þessi réttur er á kínastöðunum. Nú eða jafnvel sósan í krukkunum sem er oft notuð heima við, til að gera þennan dásamlega rétt.

Það er nú oft þannig að ég hef fengið hugmynd af mínum uppáhaldsuppskriftum þegar ég hef verið í einhverskonar hollustuátökum, en þó það sé búið að hollustuvæða þennan rétt þýðir það ekki að það komi niður á bragðinu.

Þvert á móti því mér finnst hann enn betri svona, og vona að ykkur eigi eftir að finnast það líka. Réttinn er best að bera fram með soðnum grjónum löðrandi í soja eða Tamarísósu.

Í uppskriftina þarf

Fyrir 4 

  • 3-4 kjúklingabringur (800 gr-1000 gr)
  • 1 gulrót
  • 1/2-1 græn papríka
  • 1 rauð papríka
  • 1 dós niðurskorin ananas
  • 1/2 laukur
  • 2 hvítlauksrif
  • 2 msk ólífuolía eða kókósolía
  • 1/2 dl agavesíróp
  • 2 msk sýður rjómi (með graslauknum er bestur)
  • 1 dós vatnshnetur (Waternuts, fást í Bónus og víðar)
  • 1 flaska Himnesk tómatsósa (sjá mynd neðar)
  • 1 flaska af tómatsósunni fyllt af vatni og ananassafanum úr dósinni
  • 10 cm bútur af engiferrót (má sleppa ef vill)
  • salt og pipar

Aðferð

 

  1. Byrjið á að setja grjón í pott og sjóða svo þau séu til á sama tíma og rétturinn
  2. Skerið allt grænmetið niður í mjóar ræmur og hvítlaukinn í þunnar skífur
  3. Skerið bringurnar einnig niður í langa strimla
  4. Hitið olíu á pönnu og setjið allt grænmetið út á við miðlungshita og passið að brenna það ekki við pönnuna bara mýkja
  5. saltið vel yfir og leyfið að malla þar til orðið aðeins mjúkt
  6. setjið næst bringurnar út á grænmetið og saltið vel og piprið yfir
  7. þegar bringurnar eru orðnar hvítar að lit er tímabært að setja alla flöskuna af tómatsósunni út á. Það á ekki að steikja bringurnar alveg í gegn
  8. þegar flaskan er tóm setjið þá ananassafann sem varð eftir af ananasnum í hana og fyllið svo upp í flöskuna með vatni og hristið vel
  9. Hellið vatninu svo út á pönnuna og bætið við 1/2 dl af agavesíróp, ananasnum og vatnshnetunum út á , og látið suðuna koma upp frekar kröftuglega
  10. Eftir 10 mínútna suðu er gott að bæta við sýrða rjómanum og hræra vel inn í sósuna
  11. leyfið svo að malla frekar kröftuglega í 10-15 mínútur í viðbót á pönnu án loks en þá þykknar sósan.Passið að hræra regluega í

Mér finnst alltaf best að nota brún grjón eða hýðishrísgrjón með réttinum en það er auðvitað val hvers og eins. Einnig getur verið gott að hafa með þessu heitar brauðbollur og ferskt salat ef þið viljið hafa máltíðina meira grand.

Verði ykkur að góðu

María 

 

 

No Comments Write a comment

Please add an author description.

No Comments

Leave a Reply

Pin It on Pinterest