Marrokóskur kjúklingakebab

Aðalréttir Kjúklingur

Hér er ég að reyna að leika eftir kebab sem fékkst í matarvagni við hliðina á hóteli sem ég var eitt sinn stödd á, á Costa del Sol, en hann áttu Marrokósk hjón.

Ég get svarið það en ég held að ég hafi keypt mér kebab hjá þeim daglega svo góður var hann. Eftir að komið var heim til Íslands lét ég mig hins vegar dreyma um hann.

Þá var ekkert annað að gera en að reyna að leika hann eftir en konan sem átti vagninn var svo indæl að gefa mér hint af innihaldsefnum sósunnar.

 Restina fann ég svo út sjálf og er ég alveg í skýjunum með útkomuna, sem ég deili hér með ykkur lesendum góðum.

Í kebabinn þarf

fyrir 4-6 

  • 4 kjúklingabringur í mareningu (uppskrift að neðan)
  • 6 pítubrauð
  • 2 stk Tómatar
  • 1 Rauðlaukur
  • Jalapenjo í krukku (má sleppa en ég mæli með)
  • Kál
  • 1 rauða papríku
  • Sósa (uppskrift hér að neðan)

Kjúklingamareningin

  • 4 dl Ab mjólk gerir kjúklingin meiran eins og silki
  • ½ dl ólífuolía
  • 1 msk hunang
  • 1 msk sítrónusafi
  • 2 msk gott kjúklingakrydd
  • 1 marinn geiralaus hvítlaukur eða 4 hvítlauksrif marin
  • 1 tsk laukduft (onion Powder)
  • 1 msk Cumin (passa sig ekki Kúmen eins og í kringlum)
  • ½ tsk cayenne pipar
  • 1 tsk gróft salt
  • Hnefi af ferskri steinselju rifin út í

Aðferð:

  1. Skerið bringurnar þvert fyrir miðju, þ.e til að gera eina bringu að tveimur þannig hver bringa verði helmingi þynnri
  2. Hrærið svo öllum hráefnunum í kryddleginum saman í þeirri röð sem þau eru talin upp
  3. Kaffærið svo bringunum vel ofan í þannig að þær verði allar þaktar
  4. Best er að láta standa sem lengst í ísskáp en ég lét standa yfir nótt en alls ekki minna en 2 klst
  5. Ég stakk svo grillpinna í miðjuna á bringunum þannig þær stöfluðust hver ofan á aðra
  6. Svo eru þær lagðar á pinnanum á aðra hliðina á bökunarplötu með bökunarpappa
  7. Eldið svo við 220 C°hita með blæstri í 40 mínútur

Hvít Kebab sósa Arabakonunnar

  • 350 gr grísk jógurt
  • ½ dl Tahini hvítt (alls ekki sleppa, alveg bannað)
  • Safi úr 1/3 sítrónu eða 1-2 tsk sítrónusafi
  • 1 msk hunang
  • ½ geiralaus hvítlaukur marinn eða 2 marin hvítlauksrif
  • 1 – 1,5 tsk gróft salt

Aðferð:

  1. Setjið öll hráefnin í blandara og maukið saman í a.m.k eina mínútu
  2. Smakkið til og saltið meira ef þarf og maukið þá aftur vel
  3. Sósan á að vera skjannahvít og silkimjúk eins og fallegur rjómaís

Kebab settur saman

  1. Ristið pitubrauðin eða bakið í ofni. Mér finnst betra að hafa þau mjúk en ekki stökk
  2. Skerið svo kjúklingin frá endunum í þunnar ræmur eins og er gert við kebab kjöt
  3. Setjið svo grænmeti í brauðið og kjúkling eins og þegar pita er gerð
  4. Svo þarf að nota nóg af sósu og gott er að setja ferska steinselju með
  5. Fyrir þá sem vilja sterkt mæli ég með jalapenjo út á líka

Verði ykkur að góðu

Knús

María

Endilega fylgið mér á Instagram 

 

No Comments Write a comment

Please add an author description.

No Comments

Leave a Reply

Pin It on Pinterest