-Samstarf-
Alltaf þegar ég fer á kínastað verður sami rétturinn fyrir valinu, djúpsteiktar rækjur með grjónum og súrsætri sósu.
![](https://paz.is/wp-content/uploads/2021/04/IMG_0679-683x1024.jpg)
Ég hef valið þennan sama rétt allt frá því ég var barn. Alba elskar þennan rétt líka svo hann er krakkavænn en kannski ekki hollasti kosturinn.
![](https://paz.is/wp-content/uploads/2021/04/IMG_0677-683x1024.jpg)
En eins og máltækið segir allt er gott í hófi og það má sko vel leyfa sér hann spari og jafnvel oftar eins og í matarboðum sem dæmi.
![](https://paz.is/wp-content/uploads/2021/04/IMG_0734-683x1024.jpg)
Þetta er mun auðveldara að gera en ykkur grunar og tekur ekki nema um hálftíma í allt. Svo er orlýdeigið algjör leynisuppskrift sem notuð er á asískum veitingastöðum.
![](https://paz.is/wp-content/uploads/2021/04/IMG_0770-683x1024.jpg)
Það er algjör skylda að bera fram með honum góð klístruð grjón og súrsæta sósu og svo má ekki gleyma sojasósu á grjónin.
![](https://paz.is/wp-content/uploads/2021/04/IMG_0746-683x1024.jpg)
Það sem mér finnst reyndar aðeins galli við að kaupa þennan rétt á asískum stað er að það er meira deig en rækjur svo hér ákvað ég að nota risarækjur og það kom rosa vel út.
![](https://paz.is/wp-content/uploads/2021/04/IMG_0748-682x1024.jpg)
Hver bolla inniheldur rækju alveg eins og það á að vera, en ég notaði risarækjur frá Sælkerafisk. Svo mun það koma ykkur á óvart að súrsæta sósan er gerð úr Hunts tómatssósu.
![](https://paz.is/wp-content/uploads/2021/04/IMG_0716-683x1024.jpg)
Hana lærði ég að gera hjá Thailenskri konu sem laumaði líka orlýdeig uppskriftinni að mér svo þið megið bóka að hér fáið þið Gourmet útgáfu að þessum rétt.
![](https://paz.is/wp-content/uploads/2021/04/IMG_0728-683x1024.jpg)
![](https://paz.is/wp-content/uploads/2021/04/IMG_0741-683x1024.jpg)
Hvað er betra en súkkulaði og Kínverskur matur ?
![](https://paz.is/wp-content/uploads/2021/04/IMG_0719-683x1024.jpg)
![](https://paz.is/wp-content/uploads/2021/04/IMG_0739-683x1024.jpg)
![IMG_0745](https://paz.is/wp-content/uploads/2021/04/IMG_0745-585x585.jpg)
Hráefni
- 350 gr risarækjur frá Sælkera fisk
- 2 pokar Tilda masmati grjón
- 1,5 líter af grænmetisolíu ég notaði frá Wesson
Orlýdeig
- 150 gr hveiti
- 75 gr maizena mjöl (ekki sósu þykkirinn heldur sem stendur majsstivelse og er í gulum kassa)
- 1/2 tsk fínt borðsalt
- 1 tsk lyftiduft
- smá pipar
- 1 tsk sykur
- 1 msk fiskisósa (ég notaði frá Blue Dragon)
- 2 dl pilsner
Súrsæt sósa
- 1 dl Hunts tómatssósa (ketchup)
- 2 dl vatn
- 70 gr sykur
- klípa af salti
Aðferð
- Verið búin að afþýða rækjurnar áður en þið hefjist handa
- Byrjið á að setja allar rækjurnar á eldhúspappa til að taka allan raka úr þeim og dempið þær líka með eldhúspappír
- Takið svo halan af með því að toga í endann á honum og halda fast um neðsta part rækjunnar
- Setjið næst hrísgrjónin í pott og saltið vel og látið sjóða í 12 mínútur
- Gerið næst orlýdeigið með því að blanda öllum hráefnum saman og hræra mjög vel, setjið svo til hliðar meðan súrsæta sósan er útbúin
- Setjið allt sem á að fara í súrsætu sósuna saman í pott og látið byrja að sjóða og hrærið vel. Sjóðið í eins og 1 mínútu og leggjið til hliðar
- Setjið næst olíuna á djúpa pönnu með þykkum botni eða stóran pott með þykkum botni og hitið á hæsta styrk (má líka notast við djúpsteikingarpott auðvitað ef þið eigið)
- Setjið næst eins og 5-6 rækjur í einu út í deigið og passið að drekkja þeim alveg í deiginu
- Þegar olían er orðin heit veiðið þá hverja rækju upp úr deiginu með matskeið og hafið vel af deigi með og setjið út í olíuna svona eins og 5-6 í einu
- Setjið svo steiktar rækjur á disk með eldhúspappa á til að öll aukaolía farið í pappann
- Berið svo fram með grjónunum, sojasósu og súrsætu sósunni en ekki hella henni yfir rækjurnar áður en þær eru bornar fram. Notið hana bara til að dýfa í
![](https://paz.is/wp-content/uploads/2021/04/IMG_0751-683x1024.jpg)
Verði ykkur að góðu
María