-Samstarf-
Ég er ekki sjálf Keto manneskja en langar til að sem flestir geti kíkt hingað inn á vefinn og fundið eitthvað við sitt hæfi.
![](https://paz.is/wp-content/uploads/2021/03/IMG_0259-683x1024.jpg)
Því ákvað ég að koma með eina Keto uppskrift, og til að vera viss um að gera enga vitleysu í þessum efnum fékk ég grænt ljós á hráefnin frá henni Maríu Kristu sem er sérfræðingur í Keto.
![](https://paz.is/wp-content/uploads/2021/03/IMG_0235-683x1024.jpg)
Ég veit að margir sem eru á Keto sakna þess eflaust að geta fengið sér pasta, núðlur og grjón. Þeir geta því tekið gleði sína á ný því nú er hægt að fá núðlur frá Bare Naked sem eru Keto vænar.
![](https://paz.is/wp-content/uploads/2021/03/IMG_0254-682x1024.jpg)
Lykilhráefni í Bare Naked vörunum er konjac-rótin sem er ræktuð víða í Asíu og er nánast kaloríu- og kolvetnasnauð. Konjac-rótin er mjög trefjarík en inniheldur hvorki fitu, sykur né sterkju.
![](https://paz.is/wp-content/uploads/2021/03/IMG_0237-682x1024.jpg)
Hægt er að breyta réttinum og í stað nautakjöts má setja kjúklingabringur og í staðinn fyrir núðlur má setja Bare Naked grjón.
![](https://paz.is/wp-content/uploads/2021/03/IMG_0256-683x1024.jpg)
Bare Naked núðlurnar eru alveg bragðlausar einar og sér en þær eru mjög fljóteldaðar, eða tekur bara 3 mínútur, en þær draga í sig bragðið af sósum, súpum og kryddum sem eru notuð.
![](https://paz.is/wp-content/uploads/2021/03/IMG_0257-683x1024.jpg)
Það kom mér alveg á óvart hversu góður staðgengill þessar núðlur eru fyrir hinar hefðbundnu og mun ég klárlega nota þær fyrir fjölskylduna mína enda einn hér sem má ekki borða hveiti.
![](https://paz.is/wp-content/uploads/2021/03/IMG_0230-662x1024.jpg)
Rétturinn er afar fljótgerður og mæli ég svo sannarlega með að þið prófið, hvort sem þið eruð á Keto eða ekki því mínu fólki fannst hann öllum góður.
![](https://paz.is/wp-content/uploads/2021/03/IMG_0223-683x1024.jpg)
![](https://paz.is/wp-content/uploads/2021/03/IMG_0231-683x1024.jpg)
![IMG_0241](https://paz.is/wp-content/uploads/2021/03/IMG_0241-585x585.jpg)
Hráefni
- 2 pakkar Bare Naked núðlur með bleika miðanum
- 300 gr nautalund/nautakjöt (má líka nota kjúklingabringur í staðinn en kostnaður er svipaður ef keypt er nautalund í kjötborði)
- 1/2 græn paprika
- 1/2 rauð paprika
- 4 stk vorlaukur
- 1 stór eða 2 litlar gulrætur (veit þær eru ekki Keto en í þessu magni sleppur það)
- 1 stór grein grænkál (taka laufinn af stilkinum og nota bara þau)
- 150 gr kastaníusveppir
- 1 msk ólífuolía
- 20 gr smjör+ 10 gr
- salt
- pipar
- Sesamfræ
Teriyaki sósa
- 60 gr sykurlaust síróp
- 3 msk tamari sósa eða sojasósa
- 1 tsk hvítlauksduft
- 1/2 msk sriracha sósa
- 1,5 dl soðið vatn
- 1/2 tsk Xanthan Gum
Aðferð
- Bræðið saman 20 gr smjör og 1 msk ólífuolíu á pönnu
- Skerið nautakjötið í örþunnar ræmur og setjið á heita pönnuna og saltið og piprið
- Steikið bara eins og í 1 mínútu á hvorri hlið og setjið svo á disk með álpappír yfir
- Skerið næst allt grænmetið í þunnar ræmur svona Kínastæl nema sveppina skerið þið í 4 parta og vorlaukinn á ská
- Ekki taka olíuna og smjörið sem þið steiktuð kjötið upp úr af pönnunni heldur bætið út í það hinum 10 gr af smjörinu
- Steikjið grænmetið upp úr því þar til það verður svona al dente, eða mjúkt en smá bit í því og saltið það og piprið létt
- Gerið sósuna í potti með því að setja allt hráefnið í hana saman í pott nema Xanthan Gum og látið suðuna koma upp
- Þegar suðan kemur upp lækkið þá undir og setjið Xantahn Gum út í og hrærið þar til sósan verður þykk og smá hlaupkennd
- Bætið nú núðlunum og nautakjötinu saman við grænmetið á pönnuni og hellið að lokum sósunni út á
- Hrærið öllu vel saman
- Það er mjög gott að dreifa ristuðum sesam fræjum og græna partinum af vorlauknum yfir réttinn og ef þið viljið hafa hann extra spæsí má setja nokkrar chiliflögur út á líka
Verði ykkur að góðu
María