-Samstarf-
Ég elska asískan mat…..núðlur, djúpsteiktar rækjur og steikt hrísgrjón eru mínir uppáhaldsréttir sem dæmi.
![](https://paz.is/wp-content/uploads/2021/08/IMG_0948-683x1024.jpg)
Steikt grjón er ekkert ósvipað núðlum nema í stað þess að nota núðlur notar maður grjón. Best er að nota Jasmín eða Basmati grjón og sem eru orðin köld.
![](https://paz.is/wp-content/uploads/2021/08/IMG_0963-683x1024.jpg)
Réttinn er afar einfalt að gera og svo tilvalin þegar maður á mikinn afgang af grjónum sem gerist allt of oft hjá mér.
![](https://paz.is/wp-content/uploads/2021/08/IMG_0968-683x1024.jpg)
Ef þið eigið ekki afgangsgrjón er tilvalið að sjóða bara ný grjón en mikilvægt er að láta þau kólna áður en þau eru steikt á pönnuni.
![](https://paz.is/wp-content/uploads/2021/08/IMG_0962-683x1024.jpg)
Mér fannst grjónin frá River passa fullkomlega hér og notaði ég Jasmín grjónin frá þeim.
![](https://paz.is/wp-content/uploads/2021/08/IMG_0964-683x1024.jpg)
![IMG_0976](https://paz.is/wp-content/uploads/2021/08/IMG_0976-585x585.jpg)
Hráefni
- 400 gr ósoðin Jasmín grjón frá River
- 850 ml vatn
- salt
- 6 vorlaukar
- 4 egg
- 2 msk sojasósa
- 1 msk ostrusósa
- 1 msk sesamolía
- 2 msk ólífuolía
- 2 kjúklingabringur
- salt og pipar
- sesamfræ
Aðferð
- Byrjið á að sjóða 400 gr grjón í 850 ml af vatni og saltið vel. Ef þið eigið til köld tilbúin grjón þá notið þið 4 bolla af þeim eða 750 gr
- Skerið niður vorlaukinn á ská og hafið líka græna partinn uppi með
- Brjótið eggin í skál og pískið þau saman og setjið til hliðar
- Skerið næst bringurnar í smáa bita og hitið ólífuolíuna á pönnu
- Steikið bringurnar upp úr olíunni og saltið og piprið
- Þegar bringurnar eru til takið þær af og leggið til hliðar
- Setjið sesamolíu á pönnuna án þess að þvo á milli og hellið svo egginu út í hana og hrærið í þeim á pönnuni
- Þegar eggin eru hálftilbúin bætið þá grjónunum saman við á pönnuna og hrærið vel saman
- Setjið svo soja og ostursósuna út á ásamt bringunum og vorlauknum og hrærið vel saman og hitið bara í smástund þá er rétturinn tilbúin
- Þegar rétturinn er til er gott að setja sesamfræ út á og klippa efsta lagið af vorlauk niður og dreifa yfir
Punktar
Mikilvægt er að nota ekki heit nýsoðin grjón í réttinn, best er að nota afgangsgrjón eða sjóða ný og láta þau þá kólna áður en þau eru steikt.
![](https://paz.is/wp-content/uploads/2021/08/IMG_0973-683x1024.jpg)
Verði ykkur að góðu
María