Rúmlega 30 ára uppskrift af ekta skúffuköku eins og þær gerast bestar

Matur & Menning

Þegar ég átti afmæli sem barn man ég alltaf sérstaklega eftir nokkrum kökum sem voru hafðar í afmælinu mínu. Þessi skúffukaka var ein af þeim, nema þá var hún skreytt með smjörkremi og lakkrískonfekti.

Ég elska að gera þessa köku, því ekki bara minnir hún mig á barnæskuna, heldur er hún bara svo svakalega góð og einföld.

Það tekur litla fyrirhöfn og lítinn tíma að gera hana og oftast notast ég bara við handþeytarann. Nenni ekki að skíta út hrærivélina fyrir svona auðvelda köku.

Ofan á hana set ég svo glassúr og kókósmjöl. Umm namm hún bara getur ekki brugðist með ískaldri mjólk með klaka. Hljómar undarlega en ég mana ykkur til að prufa.

Mér finnst oft skúffukökur eiga það til að verða þurar en þessi er svo sannarlega ekki þannig. Hún er yndislega mjúk og bragðgóð og allir krakkarnir mínir elska hana.

Í uppskriftina þarf:

Með þessum hlutföllum passar kakan í ferkantað form sem er 22×33 cm. Ef þið viljið baka heila ofnskúffu þá er það uppskriftin fyrir neðan

  • 1 3/4 bollar af hveiti
  • 1 1/2 bolli sykur
  • 1 1/4 tsk lyftiduft
  • 1/2 tsk matarsódi
  • 1 tsk salt
  • 3 kúfaðar msk kakó
  • 1/2 bolli brætt smjör
  • 1 bolli mjólk
  • 2 egg
  • 1 tsk vanilludropar

Aðferð:

  • Blandið öllum þurrefnunum saman og hrærið þeim létt saman með handþeytaranum.

  • Bræðið smjörið og setjið næst mjólk, egg, vanilludropa og smjör út í. Passið að setja fyrst mjólkina og eggin og svo síðast smjörið svo eggin soðni ekki í smjörinu. Þeytið svo allt saman en passið að þeyta ekki of lengi. Bara rétt þar til allt er blandað saman. Þannig verður kakan mjúk og loftkennd.

  • Deigið er frekar þykkt en það á að líta svona út

  • Smyrjið næst bökunarmótið með smjöri að innan og hellið deiginu út á.

  • Smyrjið svo deiginu jafnt yfir formið og bakið á 180 C°í 25-30 mínútur. Stingið hníf í miðja kökuna áður en hún er tekin út til að meta hvort hún sé til. Ef það kemur deig á hnífinn hafið hana þá inni 3-5 mínútur lengur.

Uppskrift af glassúr

  • 6 dl flórsykur
  • 1/2 tsk salt
  • 6 msk kakó
  • 2-3 msk uppáhellt kaffi (kemur ekki kaffibragð, dýpkar bara súkkulaðibragðið)
  • 60-70 ml vatn eða meira….þurfið að meta hversu þykkan þið viljið hafa glassúrinn

Aðferð:

  • Hrærið öllum þurrefnunum fyrst saman með skeið og setjið síðan kaffið út í. Vatnið er sett síðast en þá er gott að setja bara smátt og smátt í einu og bæta svo meira við eftir því hversu þykkan þið viljið hafa glassúrinn.
  • Mér finnst hann bestur þegar hann er í þykkari kantinum en samt ekki of þykkur.
  • Þegar kakan hefur kólnað vel í forminu, hellið þá glassúrnum yfir og sléttið jafnt yfir alla kökuna. Stráið svo kókósmjöli yfir allt að lokum.

Í heila ofnskúffu þarf:

  • 3 1/2 bollar  hveiti
  • 3 bollar sykur
  • 2 1/2 tsk lyftiduft
  • 1 tsk matarsódi
  • 2 tsk salt
  • 6 kúfaðar msk kakó
  • 1 bolli brætt smjör
  • 2 bollar mjólk
  • 4 egg
  • 2 tsk vanilludropar

Bakast á 180-200 C°heitum ofni í 30-40 mínútur

Tvöfaldið svo uppskriftina af glassúrnum til að hann passi yfir alla kökuna 🙂

Þessari mæli ég með hvort sem er á virkum degi eða um helgi

Verði ykkur að góðu

María 

 

 

 

No Comments Write a comment

Please add an author description.

No Comments

Leave a Reply

Pin It on Pinterest