Einfaldur og rosa góður hvítlaukskjúklingur

Matur & Menning

Pollo al ajillo

Eða kjúklingur í hvítlauk er mjög þekktur kjúklingaréttur á Spáni. Mér finnst hann alveg svakalega góður og ekki skemmir fyrir að hann er líka mjög einfaldur að elda og það þarf ekki óteljandi hráefni í hann, svo hann er líka vænn við budduna.

Ég mæli svo með því að þið prufið að gera þennan rétt. Hvort sem er hversdags eða spari, en bæði gengur upp. Hann er svoldið eins og góð flík sem hægt er að klæðast hversdags eða klæða sig upp við spari. Framsetningin er það eina sem þarf að gæla meira við ef þið ætlið að hafa hann aðeins meira fancy, og þá mæli ég með að nota litla berjatómata og steinselju eins og ég gerði við hann hér. Flóknara en það þarf það ekki að vera.

Þið sem eruð að huga að línunum…ykkur er líka vel óhætt að gæða ykkur á þessum rétt, enda er hann gerður úr mögru og góðu próteini og hollri fitu. Svo það er kannski óhætt að segja að þessi sé the whole package ef svo má að orði komast.

Ég mæli með því að hafa með honum spænskt salat sem ég gef ykkur uppskrift af hér líka og svo er ekki verra að hafa gott snittubrauð með úr bakaríi eða sem þið bakið sjálf ,til að dýfa út í þessa geggjuðu hvítlaukssósu sem kemur af kjúllanum. Franskar eða cous cous er einnig mjög gott með ásamt salatinu.

 

Í uppskriftina þarf

  • 1 bakki af kjúklingabringum eða 1 bakka af úrbeinuðum kjúklingalærum eða 1/2 bakki bringur og 1/2 bakki úrbeinuð læri
  • 2 msk hveiti
  • 1 dl ólífuolía (Mér finnst gott að vera búin að merja hvílauksrif, ekki þau sömu samt og eru í uppskriftinni, út í olíuna svoldið áður og nota á pönnuna. Passið samt að eingöngu olían fari á pönnuna. Má líka nota hreina ólífuolíu)
  • 2 hvítlaukar eða 24 hvítlauksrif c.a.
  • ½ glas hvítvín (má setja aðeins meira ef vill)
  • 1 ½ -2 kjúklingasoðsteningar (ekki leysa upp í vatni)
  • Salt og pipar
  • Valfrjálst = Það er mjög gott að setja í mortel eða blandara eins og 2 msk hvítvínsvínegar, innan úr eins og 10 cm bita af snittubrauði, 1 msk sykur og 2 hvítlauksrif.  Merja þetta allt saman til að setja út í réttinn þegar hann er hálfnaður að sjóða
  • Steinselja og smátómatar úr Costco til skreytingar ef vill (má sleppa)

 

Aðferð

  • Byrjið á að afklæða hvítlaukinn.
  • Takið svo spaða eða sleif og setjið ofan á hvítlauksrifinn og berjið einu sinni á með hlið handarinnar og krepptum hnefa svo hann opnist aðeins.
  • Skerið næst kjúklinginn í stóra gúllasbita eða langa bita og hafið það bara óregluglegt.

 

  • Hitið olíuna á pönnu þar til hún er orðin heit og lækkið svo hitan niður í miðlungs til lágan hita og setjið öll hvítlauksrifin út á.
  • Passið að þau steikni ekki og verði brún, þau eiga bara að soðna í olíunni þar til hún lyktar dásamlega af hvítlauk.

  • Takið þá hvítlauksrifin af pönnuni og setjið til hliðar. Þau eiga þá að lýta svona út

  • Takið pönnuna aðeins af helluni meðan þið veltið kjúklingnum upp úr hveiti. Best er að setja hveiti í poka og kjúklingin út í og hrista vel.

  • Hitið nú aftur olíuna sem er á pönnuni og setjið kjúklingin út í og saltið vel yfir .
  • Steikið kjúklinginn þar til hann er orðin gylltur, hann á ekki að vera alveg steiktur í gegn bara búin að taka á sig lit.

  • Næst er svo hvítvíni, hvítlauskgeirunum sem þið tókuð til hliðar og soðteningunum bætt út á og saltað smá og piprað vel með svörtum pipar.
  • Hrærið í.

Það er svo svakalega bragðgóð sósan sem kemur af réttinum að það liggur við að ég finni hvítlauksangann bara við að skrifa þessa færslu……

  • Nú er réttinum leyft að sjóða undir pottloki í 10-15 mínútur og svo er lokið tekið af og leyft að sjóða í 10-15 mínútur í viðbót án loks.
  • Ef þið ákváðuð að nota mortel blönduna þá er hún sett út í þegar rétturinn er búin að sjóða fyrstu 10-15 mínúturnar og hrært í.
  • Svo er hann látinn sjóða sem mest afskiptalaus í 10-15 mín í viðbót.

Ef þið bara vissuð hversu vel þessi smakkast….umm namm. Þið verðið víst bara að elda hann til að komast að því 🙂 

 

Spænskt einfalt salat sem meðlæti…Ensalada con aceite y vinagre

(Ferskt salat með olíu og vínegar)

Í salatið þarf

  • 1 haus af Romaine salati (fæst í Costco) eða 1 Iceberg haus
  • 2-3 Bufftómatar
  • ½ -1 laukur
  • 1 bolli grænar ólífur
  • Hvítvínsvínegar
  • Ólifuoilía vel græn extra virgin
  • salt

Aðferð

  • Takið blöðin í heilu lagi af stilkunum og brjótið svo hvert blað í tvennt til þrennt og raðið á disk eða fat
  • Skerið tómatana í sneiðar og raðið yfir salatið
  • Skerið laukinn í hringi og raðið á milli tómatana
  • Dreifið svo ólífunum yfir.
  • Þegar á að borða salatið er ólífuolíu dreitlað yfir og vínegar í aðeins minna magni eftir smekk og að lokum saltað yfir. Á spáni er alltaf diskurinn eða fatið með salatinu haft á miðju borði og allir stinga sínum gaffli í og fá sér. Það myndar skemmtilega stemningu við borðið.
  • Ef ykkur langar að baka ykkar eigið snittubrauð með þá er uppskrift af því hér 
  • Og ef ykkur langar að gera ommelettuna á myndinni sem fer rosa vel með líka þá er uppksrift af henni hér 

Held ég drífi mig bara og skelli í einn svona rétt fyrir kvöldið

Hafið það gott

María 

 

 

No Comments Write a comment

Please add an author description.

No Comments

Leave a Reply

Pin It on Pinterest